掃呢頁CODE去手機

2016年12月24日 星期六

【洪永城咁快做主角】「四線」麥包論捧新人:佢全新,唔識做戲正常㗎! __,麥包,洪永城,麥長青,

攝影:陳順禎麥包同郭富城、林家棟都係1988年第14期藝員訓練班同學,如今城城做咗天王,家棟亦喺電影發展好好,麥包笑言:「我喺TVB未係一線,但佢哋喺TVB已經做一線,家棟孭好多套,有自己底椿,但我今日行出嚟冇底椿。」喺TVB咁多年都冇機會,但洪永城呢啲有線幫,冇經驗又冇演技,咁快又可以做男一,不忿嗎?麥包就說:「我覺得冇問題。每一個朝代轉,最重要公司利益行先,公司賺唔到錢,大家出唔到糧。究竟係俾 ...




其他影片:>>






麥包同郭富城、林家棟都係1988年第14期藝員訓練班同學,如今城城做咗天王,家棟亦喺電影發展好好,麥包笑言:「我喺TVB未係一線,但佢哋喺TVB已經做一線,家棟孭好多套,有自己底椿,但我今日行出嚟冇底椿。」喺TVB咁多年都冇機會,但洪永城呢啲有線幫,冇經驗又冇演技,咁快又可以做男一,不忿嗎?麥包就說:「我覺得冇問題。每一個朝代轉,最重要公司利益行先,公司賺唔到錢,大家出唔到糧。究竟係俾一個舊人好?但你做咗廿年十年,畀觀眾lock咗喺四線,睇順咗你,突然間畀個位你上去做一線,觀眾覺得:『四五線去一線?得唔得呀?』「當你做咗出嚟成績唔好嘅時候,觀眾設定咗,『嘩,你做咗十年喇喎,咁嘅?唔掂喎你!』觀眾會一早設定咗,或者戴有色眼鏡。而新人呢件產品,絕對好賣過件舊貨,佢會吸引新客戶鍾意:『佢全新,唔識做戲正常㗎!』只要佢有成績出嚟,大家會覺得,『唔係喎,呢個識做戲!佢有異彩!』我哋公司就有星出嚟。生意方針係正確㗎!「我冇怨過呢樣嘢。」說到喺TVB最唔開心最低潮時期,麥包話:「唉,最低潮,2010年話走時,真係樽頸,係咪我唔做得嘢呢?點解要淪落到廿集我得幾場?睇住個劇本,覺得呢場戲可以咁喎,同導演講,佢就話:『得㗎喇,唔使㗎喇,你過鏡,你咁得㗎喇,你做』係咪我已經玩完?唔係公司問題係導演問題,但我哋訓練班嘅時候,學過要尊重導演,團體做嘢始終有個leader,導演就係leader,最終決定權喺佢度,咁有咩意思呢?」


來源 source: http://s.nextmedia.com
鍾意就快D Share啦!