韓國綜藝節目《Running Man》想改組節目，噚日早上仲發生成員金鐘國及宋智孝退出事件，正當大家都以為兩人係因為Gary退出意興闌珊之際，同日下午卻爆出兩人係遭節目組踢走，換言之係「被退出」，唔係自己想離開。消息一出粉絲大感震驚，批評節目組唔尊重藝人，有網民更揚言要罷睇《RM》。原本節目組力邀姜虎東加盟做新成員，姜虎東方面亦都答應出演，但因為噚日爆出事件，即時令姜虎東立場勁尷尬，最終姜虎東今日就宣佈唔會出演節目。而前成員Gary亦似乎唔多滿意節目組決定，噚日突然刪走晒Instagram嘅照片，今日就喺佢自家品牌嘅facebook公開同金鐘國及智孝嘅合照，力挺二人。由於爭議聲越來越大，《RM》方面今日下晝就發表聲明，正式向金鐘國及智孝道歉，不過聲明就冇話收回炒魷決定。《RM》節目組於聲明中表示：「以2017年1月尾推出第二季為目標而進行改版準備工作，於過程中未能跟《RM》成員充分地溝通，就出咗有關改版嘅新聞，為過去7年來好似家人一樣相處嘅宋智孝及金鐘國帶來傷害，對此節目組向兩人表達真心嘅歉意。「製作組對於咁長時間以來給予節目喜愛嘅觀眾都感到好愧疚，未能更好地照顧宋智孝同金鐘國，再次向兩位真心道歉，亦向因為是次風波而混亂嘅其他成員表示歉意。」儘管《RM》公開發表道歉聲明，但未有收回「炒魷」之決定。智孝與金鐘國「被退出」後是否有人願意接手這燙手山芋，仍是一個令人頭痛的問題。
|
鍾意就快D Share啦！
|
|
|