【20：10新增回應】42歲嘅楊采妮同老公邱韶智97年拍拖，16年後曾經分過手再復合，喺2013年底兩個喺新加坡結婚，結婚3年幾，今日證實原來有咗5個月BB。2016年嘅除夕楊采妮就老公邱韶智、梁詠琪、李心潔2位姊妹喺新加坡跨年，合照嘅時候佢就用個枕頭遮住個肚，大家都好奇係唔係有咗BB，今日台灣《蘋果日報》向楊采妮經理人求證，證實佢已經有咗5個月，但係仔定女呢，經理人就話唔講住。《蘋果》就問到梁詠琪對楊采妮有咗BB嘅事，佢以短訊回覆話：「今年非常開心能和好姐妹一起跨年，Charlie（楊采妮）她狀態很好，是個快樂的準媽媽。是的。因為之後要連續幾個月忙拍戲，所以趁新年假期約好心潔一家一齊去新加坡探望她。」楊采妮嘅好朋友許茹芸就表示：「當然超替她開心的呀，再度榮升『乾媽』也是肯定必然的！」至於點解冇一齊跨年，佢就話因為韓國籍老公年底好忙，所以冇一齊去，不過今年一定會抽時間去見楊采妮。
來源 source: http://s.nextmedia.com
|
鍾意就快D Share啦！
|
|
|
