原來當年嘅結果係咁選出嚟㗎～
英皇前高層吳雨在電台節目《娛樂大哥》中爆料，指很多年前的無綫勁歌金曲總選中，因陳慧嫻的《千千厥歌》與梅艷芳的《夕陽之歌》勢均力敵，令陳慧嫻所隸屬的寶麗金唱片公司與梅艷芳所隸屬的華星唱片公司爭相拉票。最後在平衡各方利弊及因素後，當年屬無綫高層的吳雨等人便決定讓梅艷芳獲大獎。吳雨說：「頒獎禮嗰日喺利舞臺舉行，明明已經將得獎結果保密，但唔知道唱片公司點樣知道陳慧嫻輸咗畀梅艷芳。」
他續說：「當時寶麗金唱片公司嘅一名高層失咗控，或者因為飲咗酒，就捉住Kelly鄭（前無綫高層鄭君略）好唔開心咁投訴。我見到後就一個箭步衝過去，就立即捉住威爺（前寶麗金唱片公司高層）話：『有事慢慢講，聽日，聽日，我哋拆掂佢！』高層德哥（前寶麗金高層）又過嚟幫忙，事件終於擺平。」
為做歌手同爸爸反面
而在節目第二節中，吳雨訪問了當年「華星三寶」之一楊千嬅，大談當年為加入娛樂圈而放棄辛苦考來的護士牌照，更為此觸怒父親。千嬅表示：「當時我好想做醫生，但我讀咗文科，幸好我有科biology（生物），就考入去做護士。當時我同爸爸有爭辯，我喺護士學校畢業考到護士牌，但同時因贏咗歌唱比賽而要抉擇，我非常掙扎到底要唔要遞辭職信簽做歌手。之後我一路拖，直到華星決定送我到美國三藩市讀書兩個月，我就決定要辭職。對我嚟講，世界好大，我好想去外國讀書，呢個係我其中一個夢想，我就同爸爸講：『你畀我試吓』嗰時佢有黑面，足足一年都嬲咗我。幸好媽媽好支持我，算係五五波，我就膽粗粗一試。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
