2017年1月2日 星期一

【《叱咤》頒獎禮】叱咤男歌手銀獎初體驗 陳柏宇終於唔係蒼海遺珠 __,陳柏宇,

今屆叱咤樂壇頒獎禮假座會展舉行,大會主題係「忘我,不忘本」,將頒發43個獎,如果今晚祖兒再奪女歌手金獎,將創下11年霸紀錄。原本有指陳奕迅今晚將不出席,但到頒發至尊歌曲大獎時,Eason突然出現,至於上次缺席《新城勁爆》嘅祖兒同許志安都會出席。叱咤樂壇我最喜愛的歌曲大獎最後五強,包括JW《矛盾一生》、方皓玟《你是你本身的傳奇》、陳柏宇《沒有你,我甚麼都不是》、鄭欣宜《女神》及謝安琪《山林道》。今年 ...




其他影片:>>






今屆叱咤樂壇頒獎禮假座會展舉行,大會主題係「忘我,不忘本」,將頒發43個獎,如果今晚祖兒 再奪女歌手金獎,將創下11年霸紀錄。原本有指陳奕迅今晚將不出席,但到頒發至尊歌曲大獎時,Eason突然出現,至於上次缺席《新城勁爆》嘅祖兒同許志安都會出席。叱咤樂壇我最喜愛的歌曲大獎最後五強,包括JW《矛盾一生》、方皓玟《你是你本身的傳奇》、陳柏宇《沒有你,我甚麼都不是》、鄭欣宜《女神》及謝安琪《山林道》。今年「我最喜愛的歌曲」有兩輪投票,首輪投票會於晚上八時截止。點票後,會先篩選高票數的歌曲,晉身次輪投票。若然於首輪投中,有歌曲得到過半數票數支持,則毋須次輪投票。而「我最喜愛的歌曲」最後兩強,分別係方皓玟嘅《你是你本身的傳奇》,同鄭欣宜嘅《女神》。00:01:叱咤樂壇男歌手銀獎:陳柏宇,上到台佢表現十分開心,好激動,佢話:「好緊張,有同事同我講,叫我有機會上台記得攞紙巾。又叫我唔好講到自己冇咩所謂攞唔攞獎,其實個獎係重要嘅,但都唔夠我每一位同事重要,每一位希望我可以上到嚟攞獎嘅人重要,呢個獎係大家嘅。我啲同事係我嘅獎嚟,就算我冇得上台攞獎,我已經攞咗獎㗎喇。女朋友唔使多謝啦,我同佢結婚喇喎,已經係最大嘅多謝。」23:55:叱咤樂壇男歌手銅獎:許廷鏗,呢個獎由張敬軒頒畀許廷鏗,講到感言許廷鏗話:「呢個係一個男歌手獎項,對我嚟講好緊要,可能我係一個電視台歌唱比賽出身,我見到好多身邊朋友去咗拍劇,講嘅話題係噚日開到零幾零幾,但我當時只係得唱歌,忘我不忘本。我仲要多謝好多歌手,可能好多人以為要多謝Joyce,但唔係要多謝Kay謝安琪,佢會幫我解開好多心結,第二個係關家姐同佢老公,我仲想多謝Mag同坤哥。」最後,佢話如果唔多謝呢個人:「可能我會上『C1』...『撕開個1』咁話,多謝欣宜。」23:49:叱咤樂壇男歌手金獎:張敬軒,佢喺台上話:「多謝每一位聽眾,歌迷、公司,每一年坐喺台下都有好多感受。我記得Pakho,當時自己都係坐喺後面,經自己努力一行一行咁坐出嚟,好多人會覺得係地位嘅肯定,我自己感覺,越坐得前,責任越大,要對樂壇,後輩起一個點嘅作用。」佢又講到:「忘我不忘本,咁多年嚟我嘅生活一直係加法;但從今年開始生活,會減番到2002年,啱啱到香港鍾意做音樂嘅我。」喺黃偉文身上見到傳承,喺叱咤舞台上唔單係要一枝獨秀,係要百花齊放。佢又講到:「有一個少少要求,周國賢、藍奕邦,周柏豪,今年返嚟好嗎?」23:42:叱咤樂壇女歌手金獎:容祖兒,第18年有攞獎,亦係女歌手十一年霸,佢話:「有陣時望到新進嘅歌手,話好努力喺工作上堅持,好有同感。雖然18年嚟,我每一次都滿載而歸,但堅持喺我身上係一個學問。我成日同自己講,要令自己盤火唔好熄,盤火一熄咗就會『dup dur』。」Joey又話:「好鍾意今年嘅口號『忘我不忘本』,作為歌手,喺台上要忘我,另一方面,我自己都唔算一個忘本嘅人,我冇忘記過我對音樂嘅熱誠,冇忘記恩人,冇忘記過佢哋嘅愛。雖然有忘詞,因為年紀大,記憶力衰退,但我會盡力去背。」Joey又講到今晚身穿嘅晚裝,係自己第二年攞女歌手金獎時着,因為佢要時刻提醒自己「忘我不忘本」,繼續愛自己、愛工作,咁就足夠。23:36:叱咤樂壇女歌手銀獎:Gin Lee李幸倪,佢上台攞獎時話7年前喺馬來西亞出道,跟住嚟香港生活咗6年嘅時間,好開心去唱每一首歌同做好音樂,嚟香港發展並冇令佢嘅生活變得平淡,反而多咗好多挑戰同困難,但因為真係好愛音樂同鍾意唱歌,畀咗好多力量佢,佢希望將啲力量同快樂傳畀其他人。Gin Lee仲多謝咗唱片公司、經理人公司同多年嚟同佢合作過嘅人,最後,Gin Lee話佢爹哋媽咪今日都有到場:「相信佢哋會好開心!」23:33:叱咤樂壇女歌手銅獎:JW,佢一聽到宣佈,就好激動眼濕濕,上到台一路講一路喊,佢話:「多謝屋企人,冇俾好多壓力我,爸爸媽媽一路話俾我聽,歌手都係一個職業,你要去學彈琴,be professional,爸爸一起身就會播我嘅歌,不斷repeat到瞓覺先至停。」JW又話:「媽咪好support我,當時出道我冇咩靚衫,家姐咩嘢都俾我,我鍾意唱歌都係因為家姐。」佢又講到今年自己第一個演唱會前幾日,爺爺過咗身,爺爺原來最擔心嘅係佢自己,因為做歌手搵唔到食,佢攞住個獎話:「爺爺我有獎喇。」23:22:叱咤樂壇組合金獎:C AllStar,佢哋話:「呢一刻唔使再問同其他組合、band係咪競爭對象,而係放眼世界。仲記得去非洲探訪,我問到Supper Moment同阿檸:『點解我哋係呢度!』係得Sunny話:『係呀!』喺因為音樂,令我哋有機會走埋一齊!好多謝同行朋友,今年有機會唔化妝、唔着衫,唔係,係有着衫嘅!總之係私底下傾下心事。」23:17:叱咤樂壇組合銀獎:Supper Moment,主音Sunny上到台眼濕濕﹐鼓手達話:「今年係Supper Moment成軍10年,我哋啱啱11月喺呢個場玩咗兩場自己嘅演唱會。」佢又講到前經理人Gary,喺今年好可惜離開咗,相信大家過咗一段時間,都會記得佢。」主音Sunny:「掌聲俾Gary!我哋唔係剩係做廣東歌咁簡單,視野要再遠啲。第二步嘅紅線,要拓展要香港以外嘅地方,我哋想再行遠啲。之前台上話香港音樂由一個『掂』字變成『窮』字,我希望之後個『窮』字可以去到全世界,寫番個『掂』出嚟。」Bass手CK:「多謝工作人員喺樂隊有難關時,都一齊同我哋行落去,希望紅線音樂呢個label唔會散。」結他手阿雞:「多謝903,因為佢俾咗個slot Gary,佢deserve更大嘅Respect。」23:13:叱咤樂壇組合銅獎:Dear Jane,佢哋喺台上話:「每一個人都話夾band好難,好似香港人供樓咁難,但唔係講供層樓有幾大,而係同邊個一齊供,好多謝有三位同我一齊供Dear Jane呢層樓。」23:05: RubberBand和Eason上台表演,唱出《心照一生》、《歌頌》的串燒歌,台上熒幕播出片段,答謝在香港為樂壇付出汗水的不同單位。22:53:叱咤樂壇至尊唱片大獎:容祖兒《J-POP》監製 馮翰銘,祖兒係首次攞呢個獎。一上到台祖兒大叫好驚,佢話:「喺公司被喻為明燈,我專揀冷門歌,我有時叻啲,有時冇咁叻。多年嚟我搵到啱我嘅團隊,就係呢個人馮翰銘,歌手嚟講我一定係語障,喺溝通上有問題,好多謝佢了解我。」佢仲問到馮翰銘有冇嘢要講,當馮話「有」時祖兒就話:「等我講埋先!有朋友喺我音樂路上同講,唱片銷情上要做到10隻唱,10隻都可以plug到。喺舞台上我會努力,雖然有時唔係表現得好好,但都要盡本份。」到監製馮翰銘講感言佢就就勁讚祖兒,仲多謝埋容媽媽,仲話:「一隻專輯做兩年你都冇抄我,多謝你!」

叱咤樂壇男歌手金獎:張敬軒 叱咤樂壇男歌手銀獎:陳栢宇
叱咤樂壇男歌手銅獎:許廷鏗 容祖兒重穿2005年戰衣上台 叱咤樂壇女歌手金獎:容祖兒
叱咤樂壇女歌手銀獎:Gin Lee李幸倪 叱咤樂壇女歌手銅獎:JW 叱咤樂壇組合金獎:C AllStar
叱咤樂壇組合銀獎:Supper Moment 叱咤樂壇組合銅獎:Dear Jane 叱咤樂壇至尊歌曲大獎:陳奕迅《四季》
專業推介叱咤十大第二位:張敬軒《羅賓》 專業推介叱咤十大第三位:鄭欣宜《女神》 專業推介叱咤十大第四位:C AllStar《聲音騷了》
專業推介叱咤十大第五位:吳業坤《百姓》 專業推介叱咤十大第六位: 許志安《非安全地帶》 專業推介叱咤十大第七位:方皓玟+RubberBand《終於好天氣》
專業推介叱咤十大第八位:容祖兒《無人知道雙子座》 專業推介叱咤十大第九位:小塵埃《卜卜卜》 專業推介叱咤十大第十位:林奕匡《愛情小品》

來源 source: http://s.nextmedia.com
鍾意就快D Share啦!