港鐵車廂恐怖縱火案，當時同疑犯同車廂的目擊者稱，事發時列車由金鐘開出，突然聽到有人大喝：「X你老母！做乜x？」隨即就見到有人淋潑液體，並見到著火，車廂內乘客即擁往另一方。而在隔離車廂的目擊者Leo直言以為自己「一定冇命」，在短短3分鐘的車程儼如在地獄走一圈：「見住啲火喺車頂湧埋嚟，起碼燒著2至3卡、10幾米遠。」Leo憶述當時情況非常混亂，有一男乘客驚慌過度，不斷向後推，「踩住人咁走，搞到人踩人，我畀人推跌之後，又推跌咗一個大肚婆，起碼4至5個人跌倒」。當時Leo聽到該孕婦大喊求生，他立即幫忙大叫：「唔好再推呀！有大肚婆！」他看到當時全車人的物品都四處亂飛：「甩晒鞋，啲袋飛開晒」。由於車頂全著火，Leo更目睹有乘客「頭髮燒燶」，直至差不多到尖沙嘴，火勢才熄滅。同時有乘客形容當時車廂非常大煙，原本2至3分鍾的車程車感覺比平時長，形容有如「屍殺列車」。他憶述目睹有男子的長褲燒至變成短褲，有乘客脫下大褸協助他將火撲熄，亦有人為他潑水。另一乘客葉先生表示，車內多次傳出尖叫聲，情況混亂，當列車抵達尖沙嘴後，職員立即疏散乘客，「出到月台已經見有兩個人受傷瞓低咗。」有個女子坐在一旁，手腳疑似燒傷，「對手薰黑咗，連褲都燒到爛晒。」不少市民向該女子「淋水」降溫。而當時在尖沙嘴月台候車的非洲裔Toko表示，當時他與太太站在接近車頭位置，沒想到列車埋站甫開門，即有大量白煙湧出，「乘客好慌張咁走出去，見到好多人著火衝出來，當中有外籍人士。」乘客逃生時一仆一碌，情況非常混亂，其中一名長者的下半身著火，「係好驚好危險。」你敢爆，我敢獎！ 即Call《蘋果》24小時爆相爆片熱線：63836568
| (何家達攝) | | |
| | |
|
鍾意就快D Share啦！
|
|
|