港鐵車廂起火事件，當時正在列車上的乘客董小姐直言：「真係好驚！……一到站，啲人不用拍閘離開，有啲人驚得滯擒出去離開！」董小姐憶述，當列車從金鐘駛至尖沙嘴途中，車廂內突然湧出大量白煙，「附近幾個人即刻踎低，車廂就有人大叫，叫人開窗。」不少人立即按動緊急掣，車長起初透過廣播多次問「做咩事？」不久後，才有廣播解釋「發生嚴重事故」，但由於列車不能停下，大家在車廂內等列車駛至尖沙嘴才可疏散，「真係好驚，之後聽月台啲人講先知前面著火」。另有市民林小姐則形容，當時白煙濃烈，「似係有人喺你隔離燒衣」，乘客都掩鼻等候，「廣播都話去緊尖沙咀，去到先可以落車」。林小姐指，由於其車卡遠離事故車卡，故秩序不算混亂，乘客甫到尖沙咀亦沒有發生推撞。
你敢爆，我敢獎！ 即Call《蘋果》24小時爆相爆片熱線：63836568
來源 source: http://s.nextmedia.com
|
鍾意就快D Share啦！
|
|
|