掃呢頁CODE去手機

2017年2月13日 星期一

【結婚4個月咋喎!】同馮德倫有嗌霎?舒淇:退讓總是會有極限的 __,馮德倫,舒淇,

舒淇同馮德倫結婚啱啱4個月,應該仲係甜蜜蜜階段。不過噚日下晝3點幾,舒淇忽然喺Ig連發兩段文,字裡行間都係同伴侶相處出現咗問題,最嚴重一句係「退讓總是會有極限的」,由於舒淇冇指名道姓,有人覺得係佢同老公馮德倫起咗小風波,唔少網民甚至擔心舒淇同老公馮德倫婚姻出現危機。舒淇Ig留言如下:「不是不爭吵,是因為尊重,尊重那麼多年的情份,珍惜這麼些年的相互成長,因為此,所以一步步退讓,每進一步,讓一步,人與 ...


舒淇同馮德倫結婚啱啱4個月,應該仲係甜蜜蜜階段。不過噚日下晝3點幾,舒淇忽然喺Ig連發兩段文,字裡行間都係同伴侶相處出現咗問題,最嚴重一句係「退讓總是會有極限的」,由於舒淇冇指名道姓,有人覺得係佢同老公馮德倫起咗小風波,唔少網民甚至擔心舒淇同老公馮德倫婚姻出現危機。舒淇Ig留言如下:「不是不爭吵,是因為尊重,尊重那麼多年的情份,珍惜這麼些年的相互成長,因為此,所以一步步退讓,每進一步,讓一步,人與人之間的相處不是寵出來的,而是讓出來的,只有相互尊重退讓包容,當初美好的關係才能維持長長久久......但退讓總是會有極限的 !若兩方關係只一方待在自己的信仰當中。那就是不懂的體諒另一方,不了解另一方,且不珍惜另一方 ,既然不懂體諒,不想了解也不珍惜,請問是否應該再退讓,have a great day」跟住仲未夠喉,約3個鐘之後,舒淇再補多一條文,不過就溫和好多「知常容,容乃公,公乃全,全乃天......能歷久不衰才能明哲保身。」佢嘅fans都覺得似係同老公耍花槍,都喺Ig留言開解佢。今日舒淇經理人透過短訊回覆《蘋果》表示:「沒有回應」。而據知,舒淇兩公婆依然甜蜜,佢Ig所指嘅其實另有其人,係一位認識嘅藝人朋友,但因為係圈中人,所以唔想開名。

舒淇噚日貼相寫文,言談間盡是同伴侶間出現問題。(舒淇Ig圖片) 由於舒淇冇開估講邊個,搞到網民都擔心佢同馮德倫婚姻出現危機。(舒淇Ig圖片)
(舒淇Ig圖片) 今日舒淇再貼咗字句,講唔好太在意某啲人說話。(舒淇Ig圖片) (舒淇Ig圖片)
同馮德倫結婚4個月。(資料圖片) 之前傳出舒淇陀B。(資料圖片)

來源 source: http://s.nextmedia.com
鍾意就快D Share啦!