咦，因乜解究咁多人喺鵝頸橋舉起個電話狂影呀？未睇過打小人咩？或者大家只係未睇過盧宛茵打小人啫，同場仲有黃智賢、黃智雯兩位主角，為大台新劇《雜警奇兵》進行拍攝。
呢套時裝警匪喜劇，由黃智賢、黃智雯主演，其中最挑戰黃智雯嘅部份，就係佢要扮演一個懷孕六個月嘅大肚婆，不時要拍攝陀住巨肚追車、捉賊嘅場口。
不過，黃智雯反而話無想像中辛苦，一嚟拍攝時間係冬天，天氣唔熱之餘，凍起上嚟仲有保暖作用；二嚟就係個假肚唔算重，起碼比起真正嘅孕婦，佢個肚輕好多，所以佢話想像得到陀B有幾辛苦。之但係陀六個月巨肚，身形仲咁窈窕，塊面仲咁尖嘅大肚婆，認真少見，而且分分鐘到大結局，都未知個B經手人係邊個。
呢部劇嘅角色造型，除咗黃智雯之外，不得不提下黃心穎，平時靚靚女女嘅佢，今次箍牙爆瘡成個傻婆咁，仲要同C君有感情戲添，如果有埋咀嘴戲，咁佢真係好大犧牲。
來源 source: http://s.nextmedia.com
|
鍾意就快D Share啦！
|
|
|
