「百足咁多爪」的759阿信屋（母企為CEC國際、759）開業7年，最新財年蝕近3000萬元，老闆林偉駿接受本報專訪時，坦承去年日圓突然貶值未必是表現不佳的主因，亦否認自己「太多心」，形容只是當時錯估形勢，「行得快左、開頭太順利。」年近60歲的林偉駿半生商場打滾，面對業績倒退及網民批評，仍充滿「阿信精神」：「依個世界有批評好過無批評囉，如果講都無人講你就玩完宜家仲有人鬧下你。唔係呀Q呀，因為我地做緊生意，又唔係完全向下滑，只係之前爆得太快，依家持平，好多公司都出現左，我地做6年先出現，算遲架啦。」本港零售業銷貨額己連續跌超過20個月，林偉駿認為阿信屋過去3年發展太快：「應該係2015年經濟開始滑滑地，但我地仲諗住借勢上去，變咗開多咗分店。」截至去年10月底止，集團共有255間分店，業務覆蓋零食屋、雲吞麵、急凍食品超市、家電舖等，定位不清晰。但林偉駿不認為集團須集中火力發展其一：「其實瓣瓣都咁做，好多人話我地亂哂龍，其實我地係開舖做買賣、乜都賣，我唔覺得我地係多心，我地一路去賣多啲野問題唔大，（問題）只係配送方面未完善，我地就夾硬去。」他指未來部分店舖租約期滿，或會關店，短期內料會關5至6間專賣藥妝的759 Kawaii Land。林偉駿認為，零售近年確有下調趨勢，但不認同現處於行業調整期：「我做咗咁多年，每3幾年都有一個波浪架啦，我唔敢講今次係零售調整，但做生意來講起起落落係必然既，只不過我地部分投資未完全得到回報。」他認為，內外經濟環境轉差是令業績倒退原因之一。他相信，集團目前貨源仍未足夠支撐顧客所需：「啲客真係想揀選多啲野架，要乜都有啲，例如我地電飯煲無咗，有人會打黎鬧，所以我唔做唔得架！」他補充，集團平日平均銷售5000種貨種，假日則達7000至9000種，證明客人「真係想揀多啲」，因此必須引入更多貨源，例如雞粉、油、面膜等，實行「要乜有乜」。記者：范穎琛掌握財經生活資訊，即Like「蘋果ATM」fb專頁
http://fb.com/appledailyatm
|
鍾意就快D Share啦！
|
|
|