掃呢頁CODE去手機

2017年3月19日 星期日

【三人行輸俾巨胸女】陳展鵬26歲新歡單文柔情路坎坷 被閨蜜搶男友 __,陳展鵬,展鵬,單文柔,陳展,

現年27歲、上屆落選港姐單文柔(Pheobe),早前被《蘋果》獨家影到同陳展鵬喺山頂夜會一齊食外賣;但男方事業如日方中,唔少粉絲都鬧爆單文柔想紅想出位 ...


現年27歲、上屆落選港姐單文柔(Pheobe),早前被《蘋果》獨家影到同陳展鵬喺山頂夜會一齊食外賣;但男方事業如日方中,唔少粉絲都鬧爆單文柔想紅想出位,先黐埋視帝陳展鵬身邊,搞到陳展鵬唔敢認愛,只係話感情事「隨緣」,但據悉展鵬己私下同大台高層承認戀情。噚日《蘋果》更收到讀者Ada爆料,原來單文柔嘅情路都幾坎坷。大約5年前,單文柔喺葵涌香港專業教育學院(IVE)讀設計期間,認識一名叫M先生(化名)嘅男仔,兩人感情好好,之後仲一齊去咗英讀書。而單文柔同一個位叫F小姐(化名)嘅女仔一直都係好朋友,兩人姊妹情深,經常見面食飯、談心,F小姐仲不時喺instagram貼合照晒姊妹情,並留言﹕「閨蜜」、「朋友是一輩子的」、「找到懂你的朋友己經足夠,因為那是一輩子的事」。據讀者Ada稱單文柔之後仲將自己男朋友介紹畀F小姐認識,有時會三人或四人行(另一位女性朋友),F小姐就試過喺自己facebook貼出單文柔同男友嘅恩愛合照,相信當時係由F小姐親自揸相機;而M先生亦曾經喺F小姐嘅ig留言﹕「Yes my lovely by Pheobe.」不過,三人關係好快就有逆轉,讀者Ada話﹕「Pheobe同個男仔都唔係玩玩吓,2014年中佢哋仲一齊,喺之後畀佢個friend媾咗自己男朋友,都係嗰啲手段啦,私下同個男仔傾電話、約出街。Pheobe都幾慘,佢份人其實幾nice,讀IVE時好肯幫師弟師妹;但自己男友畀人搶咗,佢哋仲不時喺網上晒旅行合照,Pheobe梗係unfriend晒佢哋fb啦。」

單文柔情路坎坷,前男友被好姊妹搶走。(互聯網圖片) 單文柔同F小姐(中)係好姊妹。(互聯網圖片) F小姐IG。(互聯網圖片)
兩人係閨蜜。(互聯網圖片) F小姐身材出眾。(互聯網圖片) (互聯網圖片)
單文柔與M先生拍拖兩年幾,最終遭好友搶走男友。(互聯網圖片) M先生與Pheobe嘅姊妹F小姐。(互聯網圖片)

來源 source: http://s.nextmedia.com
鍾意就快D Share啦!