無綫新紥花旦李佳芯，由於演技唔曳，得唔少監製賞識，先後喺《律政強人》同o依家播緊嘅《與諜同謀》擔正做女一。事業起飛，但同拍拖多年嘅ViuTV主持陳炳銓，有指近日感情再起波瀾。今日有報道指，李佳芯早前受無綫高層施壓，要佢同男友關係低調處理，一嚟雙方公司屬競爭對手，二嚟男女事業差距相差一截，避免有人借故黐女友上位，所以勒令李佳芯改口向外稱自己係「單身」。而為免事業有阻滯，李佳芯惟有遵從無綫吩咐，將男友降呢為「發展中嘅朋友」。不過，「口裡說不」嘅李佳芯，依然不時偷偷摸摸同男友出外拍拖，該報道更指李佳芯為方便同陳炳銓日對夜對，早前二人就搬到清水灣半島同居，而單位租金就由女方負責。日前二人就被影到將軍澳一商場酒樓用膳，期間李佳芯疑似向男友發脾氣，指對方吊兒郎當，唔識把握機會，被女友鬧到一面灰嘅陳炳銓，就頭耷耷聽訓話，期後二人一度冷戰，同枱食飯但各自修行，直至女方俾錢埋單，二人先一齊離開。《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://bit.ly/2lVM7Sx ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。
| (《Face圖片》） | | |
| | |
來源 source: http://s.nextmedia.com
|
鍾意就快D Share啦！
|
|
|
