掃呢頁CODE去手機

2017年3月15日 星期三

【闊太有好友】真係講人緣 甘比孖紅姑行花墟 __,紅姑,甘比,鍾楚紅,

俗語有云「一入豪門深似海」,係咪個個豪門都係咁?雖然冇經驗分享,但參考番大劉第二任太太陳凱韻(甘比),多年嚟生活都相當「貼地」,除咗湊仔女返放學,見佢 ...


俗語有云「一入豪門深似海」,係咪個個豪門都係咁?雖然冇經驗分享,但參考番大劉第二任太太陳凱韻(甘比),多年嚟生活都相當「貼地」,除咗湊仔女返放學,見佢久唔久都會約吓自己啲朋友飲茶食飯,唔係大家想像中咁只係同闊太為伍。鍾楚紅

有說因為大劉同林建岳好friend,而當年岳少個女友Monica同紅姑好熟,就係咁,紅姑對甘比都好好,早年甘比同紅姑去大劉「飯堂」福臨門飯敍時,仲帶埋媽咪同當年只得1歲嘅囡囡秀樺同行。而甘比亦曾被目擊陪紅姑去花墟買花,交情不淺。鄭秀文

甘比同鄭秀文(Sammi)亦係老友,兩人經朋友介紹下認識,早年Sammi喺澳門開騷,甘比睇完騷仲去埋慶功宴,同好友Sammi嘆日本菜。而舊年Sammi喺紅館開騷,明明係一票難求,Sammi特登留頭場飛畀甘比睇。徐濠縈

甘比同徐濠縈做咗朋友後,周不時見到阿徐帶囡囡康堤去甘比屋企作客,佢哋仲試過約埋一齊去旅行,入住大劉喺英國間豪宅。有咁啱得咁橋,原來甘比同阿徐囡囡康堤係同日生日嘅。周麗淇

周麗淇(Niki)同甘比私下甚為老友,但佢非常識做,好少喺傳媒面前公開提及兩人關係,惟甘比舊年正式升呢做劉太,Niki先公開話恭喜好友,但就唔會特登改口稱呼對方。伏明霞

甘比當年仲係做記者時,有機會採訪跳水皇后伏明霞,兩人更成為好友,就算兩人各自嫁人,都一直保持住好友關係。

《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017)投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

(資料圖片) 甘比(左)同紅姑(右)去過福臨門飯敍(資料圖片) 甘比同Sammi老友鬼鬼(微博圖片)
甘比舊年帶囡囡秀樺去捧Sammi場(資料圖片) 甘比同阿徐又係friend底(資料圖片) 秀樺開生日會,康堤都有份出席,甘比仲同佢有傾有講。(資料圖片)
又一齊睇演唱會 周麗淇(資料圖片) 伏明霞(左)同甘比試過一齊去睇張信哲演唱會(資料圖片)

來源 source: http://s.nextmedia.com
鍾意就快D Share啦!