坐擁逾千億財富，名列香港十大富豪之一的劉鑾雄（大劉），從未接受傳媒專訪，更鮮有談及童年往事。日前他接受《蘋果》獨家專訪，由劉鑾雄去「解讀」大劉種種傳奇，包括家世。劉鑾雄父親劉火榮亦是從商，最初是開米舖：「我所知屋企初期開米舖，之後開過製衣廠，但俾人呃晒，好後期先開風扇廠。聽阿媽講好多次，成日想儲五萬蚊，儲好多次都儲唔到，當時好多人喺大陸解放落嚟都好辛苦，個個都要捱同慳。」【並非含金鎖匙出世】
大劉這樣形容他的童年：「我出世嗰陣時，爸爸都風光過一段好短時間，跟住冇幾耐失業，家庭靠媽媽維持，唔可以講含金鎖匙出世或好輕鬆。」家庭環境不好，大劉出世後一樣要做粗活、一家人瞓地下。據知大劉的母親劉葉淑婉女士當年是以繼室身份嫁給劉父，當時她不單要照顧自己一頭家，連丈夫亡妻那頭家，都要照顧，所以擔子很重。大劉憶述：「辛苦㗎！你知一個女人，唔係讀過乜嘢書，當年香港大家都好窮，大部份人都係大陸解放後落嚟，唔係好多人帶到錢落嚟。」【斬柴起火做到熟晒】
「我記得十歲前住木樓，熱天搵張蓆舖喺地下，冬天又搵氈舖喺地下，我哋喺地下瞓到十歲先搬，所以童年生活屬於比較清苦。」雖然說潮州人是重男輕女，但作為長子的大劉，一樣要做家務：「我係長子，比較力大啲，做粗重嘢比較適合啲。有時落雨，一個箭步就要衝上天台收衫，所以呢啲我熟晒，舉例掃地、拖地、食完飯執枱，所有我都做得好足，做到熟晒！「我真係差唔多任何家務都做過晒㗎，而且做得好精，包括斬柴、起火，以前冇熱水供應，只能夠喺爐灶起火，煲就用銅煲，沖涼、煮飯、煮餸，所有熱水都係我負責，試過斬柴斬親手指，之後斬斬吓已經練到好熟同好快。」直至大劉十歲左右，家庭環境才慢慢改善。
統籌、採訪：陳月媚
攝影：陳俊強
攝錄：NEO、馮嘉銘、吉吉【劉鑾雄講大劉（1）】
獨家 千億富豪劉鑾雄 24歲問家傭借錢入院割膽
http://bit.ly/2ngVqNq【劉鑾雄講大劉（2）】
走過三輪水貨 「風扇劉」血淚史：唔夠半年已經冇錢出糧
http://bit.ly/2obalOj【劉鑾雄講大劉（3）】
遭猶太人出賣 大劉：我係廢柴中嘅廢柴，懵炳中嘅懵炳！
http://bit.ly/2mPTGzh
【Timeline】手機用戶請按此，瀏覽「傳奇狙擊手劉鑾雄」: http://bit.ly/LAU-timeline
| 大劉回憶他的孩提時代，他說：「我所知屋企初期開米舖，之後開過製衣廠，但俾人呃晒。」（受訪者提供圖片） | | |
| | | |
|
鍾意就快D Share啦！
|
|
|