好唯美呀！
港姐張名雅上年與律師老公Joe結婚不久便正式宣布懷孕，更一索得男，名雅即將便要生B，更已準備「走佬袋」，隨時迎接小王子誕生。
只係重咗十幾磅
日前，名雅與老公就齊齊影了一輯大肚寫真相，影時BB都不時狂踢她，真的是三為一體感受溫馨時刻。名雅接受東網訪問時謂：「其實我個肚都唔係太大，後面睇都唔係好知我懷孕，由懷孕至今我只重咗十幾磅，屋企人都叫我出街時要小心，其實呢輯相我想影好耐，但之前攝影師話個肚唔大，出嚟效果未必好，不過今個星期個肚突然大得好快，出嚟效果都好好。」
挑戰十級痛
名雅之前都為自然分娩還是開刀生B而掙扎多時，她現在坦言決定自然分娩，希望挑戰十級痛，她謂：「其實之前都經歷過一段掙扎，自己都幾恐懼，成日同老公講，開刀我又驚，自己生我又驚好痛，老公叫我驚痛不如開刀，但我自己都想試吓自然分娩，挑戰吓究意有幾痛，而且自己生可以快啲復元。」問到會否趁後生生完追多個女時，她即謂：「都想㗎！有個仔當然想追多個女！不過又唔會畀太大壓力自己。」
相片提供：Keith C.Baby Gallery
來源 source: http://hk.on.cc
|
鍾意就快D Share啦！
|
|
|