香港首位華人女騎師江碧蕙（Sherie）去年7月宣布與前騎師李格力離婚，火速戀上法籍網球教練Jerome，拍拖不足半年入紙註冊閃婚。但Sherie跟李格力育有的15歲及12歲囝囝跟隨爸爸定居法國，雖然未能與兒仔一齊生活，然而兒仔在Sherie心中地位無人可取替，兒子是她的心肝寶貝，故今次再婚，她已得到兩兒支持。
衣着明顯夾過
Sherie與Jerome拍拖半年已認定對方，還於一月底入紙註冊結婚，現忙於籌備本月21日的舉行的婚禮，但Jerome最重要當然要討好Sherie家人。日前Sherie被拍得帶同Jerome見父母及由法國來港的兩兒。他們先到九龍塘一商場的酒樓飲茶，食飽後，一行六人步出酒樓，一對準新人和兩位囝囝跟長輩講道別後便分道揚鑣。
現場所見，Sherie跟大仔均身穿黑色羽絨「母子裝」上陣，Jerome則跟「未來細仔」以紅色上衣「父子裝」登場，衣着明顯夾過。他們四人先到日本優閒服裝店主攻褲款，兩位大人負責幫小朋友揀選，揀了後問小朋友意見，Jerome還陪同兩位囝囝入試身室試褲。當發現款式、尺碼不合適，Jerome即獨自走出試身室找其他合適褲款，來回多次亦無怨言，十分細心。直至小朋友試到啱後，他才去睇灰色風褸，完全廿四孝爸爸上身。四人於店內有講有笑地穿梭購物約一小時後，拿着五條長褲到收銀處付款。
大仔唔做電燈膽
四人離開服裝店後，旋即轉戰附近的運動店。Sherie與Jerome二話不說地走到網球拍專區，起初大仔都有興趣一起研究，其後亦非常識做地留私人空間給媽媽，前去找弟弟睇衫及睇鞋。四人於店內逗留約廿分鐘後，沒有斬獲地離開，到停車場取回座駕返家。「濕平」過程中，Jerome除了照顧兩個小朋友外，亦不忘照顧未來老婆，二人無時無刻拖到實一實，又主動幫Sherie孭手袋，難怪可神速抱得美人歸。
|
鍾意就快D Share啦！
|
|
|