聽落好唏噓，但其實充滿希望。
藝人艾威兩年後正式「登6」，年逾半百的他近年忽行老年運，不但擔正做電影男主角、進軍樂壇，更獲大學邀請傳授演藝心得，套用他的說法：「熱身40年，終於落場跑！」一句說話同時包含唏噓與盼望，正如他回望自己的前半生，有喜亦有悲！
現年58歲的艾威，近年發揮凌厲後勁，繼年前出書做作家後，今年再有多個獨當一面的機會，他說：「嚟緊會有我做男一嘅新戲上映，我仲會正式入樂壇，又會向浸大學生傳授演藝心得，熱身40年，終於落場跑！以前我唔太緊張成績，今次就希望票房好啲，話晒首次做電影男一。（質疑自己做男一能力？）一定唔會！雖然自問前半生唔算順風順水，有段時間事業仲入咗困局，但近年機會真係多到不得了，如果呢啲機會喺我後生時出現，係咪會有一個唔同嘅艾威？係㗎！但真正結果冇人知，人生係種比較，我係既悲觀又樂觀，咁我演藝事業以外嘅際遇都唔錯，有好嘅朋友、家庭同健康！」
慶幸太太大步檻過
艾威拒絕相信「寧欺白鬚公」，既然肯德基上校都可以60歲才發達，艾威揚言：「命運、機會都喺我手！」他說：「我冇宗教信仰，即使太太患病（子宮生巨瘤），咁人生無常，都冇令我改變睇法！（對太太無法為你生育感難過？）其實唔一定要傳宗接代，我冇因為太太嘅病而喊過，低沉就有，事實上佢病嗰期，啲人忽然對我注意力多咗，託賴佢依家大步欖過，雖然佢講嘢語氣又重番，都係病嗰時脾氣好啲！講笑啫，我想佢健健康康，好好珍惜一齊嘅時間！」
場地：Dream Garden HK
來源 source: http://hk.on.cc
|
鍾意就快D Share啦！
|
|
|