喺一年前，有一個女仔喺機場禁區外漏咗件行李，為咗拎番件行李，佢同埋媽媽大鬧機場50分鐘，最後有航空公司嘅職員送行李入禁區，大家都記得呢個女仔就係特首細女梁頌昕喇，因為呢件行李事件，梁振英涉濫權向機場員工施壓，有特事特辦之嫌啊（新聞連結： http://bit.ly/2hwtMOr ）。不過，前日林鄭月娥以777票，獲選為候任特首，即係7月1號之後梁振英再唔係特首。阿爸再唔係特首，咁就冇得特事特辦，頌昕做番正常人就要小心啲，唔可以再漏行李喺禁區喇！但無論頌昕係咪要特事特辦，作為一個女仔，街係要行嘅，噚日4點左右，頌昕就一個人去到置地廣場四圍行。頌昕行咗入一間名店，係咁睇啲晚裝同鞋，其間有職員行過去同頌昕講兩句，頌昕出到嚟之後變得好重警戒心，有可能係職員「通水」畀佢知。其後頌昕就去咗另一間名店，但入咗好耐都唔見佢出嚟，記者去到店門前，見到頌昕入咗試身室，不過再冇出過嚟，唔通又係特事特辦行秘道離開？唔知林鄭上任之後，頌昕仲有冇得行秘道呢？
《蘋果》第十二屆金話梅電影選舉（Golden Plum）又嚟喇!由今日起，請在以下網址（http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。
| (採訪、攝影：陳大陸) | | |
| | |
來源 source: http://s.nextmedia.com
|
鍾意就快D Share啦！
|
|
|
