楊怡上次做舞台劇，老公羅仲謙咗個巨型花牌，佢笑言已經好驚喜！
藝人楊怡以「愛眼之星」現身大潭舉行的慈善活動，穿上露腰裝的她，與在場人士跳熱身操，事後透露已很久沒有於嚴寒下晨早起床做運動。
謙謙撐場大壓力
阿怡指老公羅仲謙身在內地趕拍電影《西遊記之女兒國》，預計下月中煞科，不過二人仍未能見面，她謂：「我都要去內地做舞台劇巡迴，幾日後去成都，但如果時間夾到佢都會join我。（會唔會又畀驚喜你？）唔好嘥錢上次送花已經好驚喜，因為第一次演廿場，佢知如果現身我就會好大壓力，所以佢同屋企人都唔係睇首場，今次壓力冇咁大。」
冇問展鵬新戀情
對於與阿謙合作《女》片的郭富城計劃結婚，阿怡坦言老公也不知情，雖然不認識城城，但好事一定會恭喜。談到陳展鵬有新戀情，外間也替其緋聞女友胡定欣不值，身為定欣好姊妹的阿怡表示近排少見對方，但也有以WhatsApp聯絡，她謂：「如果展鵬有拖拍會恭喜佢，做朋友唔會八卦人新戀情，不過定欣都冇時間拍拖啦，拍緊無綫劇集《深宮計》連瞓覺都冇時間。」
翁虹誤以為開舖
至於早前於社交平台上載蛋糕相，阿怡表示首次炮製芝士蛋糕送給生日的奶奶，沒料被好友翁虹誤以為開舖，她謂：「佢WeChat我話想同我訂兩個蛋糕，以為我開舖頭，我咪話舖頭會喺2046年開，請佢嚟剪綵囉！好好笑，其實我只係初級，都唔見得人，去唔到大場面。」
來源 source: http://hk.on.cc
|
鍾意就快D Share啦！
|
|
|
