(新增回應)美劇嘅市場越嚟越大，而亞洲市場當然唔會忽略，好多美劇都會加入華人演員，甚至吳彥祖都有主演，但以廣東話為主嘅劇集，就真係未見過喇，但世事冇絕對，美國嘅福斯傳媒集團（FOX）將會開拍原創華語劇集，正式進軍亞洲，暫時知道佢哋將會開拍兩套劇集，一套就係由劉德華監製嘅《香港華爾街》、另一套就係由葉念琛做導演嘅《心冤》，而FOX會喺聽日3月14日開記招公佈詳情。《心冤》由葉念琛擔任監製、導演及編劇三職，演員卡士強勁，包括有黃秋生、惠英紅、謝君豪，全部都係影帝影后級嘅人馬，《蘋果》就問過葉念琛，佢就只係認FOX有搵佢拍劇，仲強調題材係好有爆炸性，一定好香港，因為會有幾單香港奇䅁：「我答埋你，一定好香港，因為會有幾單香港奇䅁！」至於詳情就叫大家留意聽日嘅記招。除咗導演之外，《蘋果》都有問過有份演出嘅秋生，佢就直認接咗呢部劇，講到今次FOX會開拍華語劇集，會唔會係好精彩呢，秋生就鬼馬咁話：「個品牌勁啫，唔代表套劇都勁吓話，我拍幾日咋，佢哋同我講過個角色，但真係好少戲份。(幾日戲都可以係主角喎。)咁我唔知係唔係主角喎，我得幾日戲咋。」據知，邵仲衡獲邀拍最後單元，當中更有性同暴力場面，且非常踩界，邵仲衡今次更是演反派，但邵一樣封嘴：「未睇劇本，我唔敢講，我唔介意嘗試，幾有挑戰性。滿心期待中，我相信葉導（葉念琛）。」相信今次是Fox與葉導及演員簽了保密協議，故齊齊封嘴，留待記招揭盅。而FOX嘅公關就表示，《心冤》劇集風格揉合懸疑奇情、血腥暴力及迷離，佈局，集結本地最強電影製作班底合力炮製，仲話會突破香港電視最激尺度！咁到時係唔係大台會唔會有少少進步呢？
| 黃秋生影帝級嘅人馬去拍嘅劇，呢點已經好令人期待。 | | |
來源 source: http://s.nextmedia.com
|
鍾意就快D Share啦！
|
|
|
