都係講笑啫。
天后容祖兒在演藝舉行side track演唱會，騷後在台上受訪，講到她在騷上講野有時有啲亂，她笑言：「都係做番自己，入得場都係真心鍾意容祖兒嘅人，鍾意得我就知我個人係咁，先係我嘅特色，我今日心情幾興奮，今日係正式第一場公演，所以都打醒12分精神，喺後台做足準備。」她亦謂今次除了唱歌，有很多說話要講：「平時講乜都得，但今次有啲稿要講，所以好緊張，我媽咪都話喺屋企好耐冇見過我嘅笑容，直至早兩日開騷先笑番，我係意念總監，好多嘢冇人比我更清楚啲歌，所以一直好緊張個騷，驚大家會失望。」她亦謂其中一part山寨《La La Land》演出都用了一個多星期練習。
初戀情書要收藏
講到她在台上讀出13歲寫畀初戀男友的情書，她謂：「係自己構思嘅，呢個騷要有啲嘢以前冇講過，先夠睇頭，之前搬屋搵番啲舊物件出嚟，見到封信喺紀念冊到攝住咗，好爆，我就同彭秀慧講要出呢封信。（初戀男友有冇嚟睇？）冇啦。（邀請佢嚟畀番封信佢？）唔啦，呢個自己珍藏。」講到她台上讀信時謂自己含蓄，不敢對初戀男友講愛你，只用X你代替，記者問她現時男友劉浩龍（師兄）可需要她X？她即笑言：「佢唔X我就算偷笑。」
師兄條件above average
她亦謂師兄之前兩場都有睇騷，問有何評語？她謂：「OK啦。」講到她台上謂擇偶條件是有肉地、不喜歡靚仔，記者打趣是否要師兄增肥？她甜笑謂：「佢本身都合符我條件。（佢係above average？）哈哈，係呀。」講到她曾講過想在演唱會上唱他人的歌，但最後都沒有，問到如果點唱環節揀中師兄的歌會否唱？她笑言：「乜歌都唱，《叉燒包》都唱，唱乜都得。」問到她現時可會寫情信給師兄？她謂：「會寫聖誕卡，我係鍾意寫字嘅人，用手寫嘅字帶有情感，所以會keep住呢個習慣。」
來源 source: http://hk.on.cc
|
鍾意就快D Share啦！
|
|
|