2017年4月27日 星期四

唔肯食袁偉豪回頭草 失戀岑杏賢搵朱千雪解悶 [壹週刊 - 1416] __,千雪,袁偉豪,岑杏賢,朱千雪,M1,

甩拖岑杏賢搵埋好姊妹朱千雪去淺水灣咖啡店hea足全日解悶。探熱針唔肯食袁偉豪回頭草 失戀岑杏賢搵朱千雪解悶袁偉豪去年突然被拍拖三年的女友岑杏賢撇甩後, ...


甩拖岑杏賢搵埋好姊妹朱千雪去淺水灣咖啡店 hea足全日解悶。

探熱針

唔肯食袁偉豪回頭草 失戀岑杏賢搵朱千雪解悶

袁偉豪去年突然被拍拖三年的女友岑杏賢撇甩後,男方雖然出盡方法箍煲,可惜岑杏賢一句「已失去信任」,二人感情正式畫上句號。

分手後,回復單身的岑杏賢揚言一直未有追求者, dry爆的她幸好身邊有好姊妹輪流陪伴慰藉,這天岑杏賢就相約同樣單身的朱千雪去淺水灣歎咖啡,二人勁無聊 hea足大半日,一個甩拖、一個單身,難怪網民將聚會吹捧為「女神飯局」,個個爭住想 join!

對足六小時

甩拖岑杏賢,再加單身朱千雪,兩個好姊妹相約淺水灣歎咖啡享受假期,當日下午,化淡妝加一身休閒服的二人,帶同電腦去到 coffee shop一邊食晏一邊談心,起初朱千雪見仍未平復失戀心情的岑杏賢悶悶不樂,就主動不停帶起話題,成功令姊妹笑逐顏開,傾足兩粒鐘,享受完一輪「 girl's talk」時光,二人就開始各有各忙,朱千雪專注用電腦温習,而岑杏賢就全程坐在旁邊玩電話,最後二人逗留六小時直至黃昏才離開。

朱千雪專注用電腦溫習,坐對面的岑杏賢玩電話過日辰。

二人在咖啡店由中午逗留到黃昏才捨得走,其間岑杏賢悶悶不樂托頭發呆。

當日岑杏賢亦將二人聚會相放上微博,唔少網友留言爭住 join。

自從去年尾同袁偉豪分手後,回復單身的岑杏賢身邊全靠姊妹輪流陪伴慰藉。

同袁偉豪再見亦是朋友

岑杏賢自從和袁偉豪分手後,近日就有傳男方被李施嬅力追,而袁偉豪出席公開活動時被問到會否怕前度岑杏賢不開心所以未敢接受新戀情?他就表示:「不需要諗對方,始終已過去了,大家各自有自己的生活、有自己行的路,我自由選擇拍拖與否、什麼時候組織家庭,這是自己的路,如果只顧對方感受,我怎解決自己人生。」

而記者問到岑杏賢有否留意舊愛的新緋聞時,她坦白表示:「有,都有留意。(你同李施嬅是否朋友?)我哋都認識嘅,佢哋兩個嘅嘢唔好評論啦,交番俾佢哋兩個自己講(你同袁偉豪仲有冇聯絡?)都有聯絡嘅我哋。」再見亦是朋友,岑杏賢果然係大方!

另一日岑杏賢仲孖住媽咪放假,去睇戲打發時間,入場前,兩母女努力將 M記全餐塞入袋,偷運入戲院。

岑杏賢同袁偉豪拍拖時經常網上放閃,男方更曾揚言視女方為終身伴侶。

去年袁偉豪在台慶奪得「最受歡迎電視男角色」時,就公開多謝剛分手的女友岑杏賢。

近日有傳袁偉豪被李施嬅發功力追。

撰文:娛樂組

攝影、攝錄:陳亦龍、楊紫、李溢敏、李玄


鍾意就快D Share啦!
Related Posts Plugin for WordPress, Blogger...