掃呢頁CODE去手機

2017年4月13日 星期四

隱居半年 霍家傳統生三個 趕四十前達標 巨肚郭晶晶今個月生第 2胎 [壹週刊 - 1414] __,郭晶晶,M1,

恭喜郭晶晶成功為霍家追B,今個月生得!娛頭隱居半年 霍家傳統生三個 趕四十前達標 巨肚郭晶晶今個月生第2胎12年「跳水皇后」郭晶晶宣布上岸,嫁入霍家做 ...


恭喜郭晶晶成功為霍家追 B,今個月生得!

娛頭

隱居半年 霍家傳統生三個 趕四十前達標 巨肚郭晶晶今個月生第 2胎

12年「跳水皇后」郭晶晶宣布上岸,嫁入霍家做少奶奶。唔夠一年,晶晶一索得男,為霍家誕下第四代嫡孫霍中曦( Lawrence)。眨吓眼 B仔就快四歲,晶晶同霍啟剛終於再成功追 B喇!恭喜晒!

上週六( 8日),晶晶同霍啟剛湊住囝囝,一家三口到數碼港出席生日 P。就快足月的晶晶,著住黑色鬆身衫,個肚籮咁大。臨盆在即,晶晶全程小心翼翼,大部分時間都坐定定,唔敢走動。

日夜趕工做人

入門後,晶晶一直以奶奶朱玲玲做目標,要生夠三個先「收工」。今年 35歲的晶晶,免得做高齡產婦,惟有快馬加鞭,同時間競賽。除咗積極補身,兩公婆更經常孖住行山操弗副偈。去年終於得償所願,第二胎,得咗!

「晶晶希望四十歲前完成目標,生夠三個收工。同埋佢兩公婆都想追番個女,加上 Lawrence四歲大,都係時候生多個陪佢,晶晶係運動員,本身個底子好好,稍為調理吓,話咁易就得咗。」知情者透露。

側面睇,晶晶個肚籮咁大,仲不時雙手護肚。

週二(十一日),晶晶外出去超市入貨,被問到預產期,晶晶封口冇回應。

晶晶陪阿仔踩單車,齋睇唔落手,小心至上。

廿四孝霍啟剛同阿仔玩「騎膊馬」,仲要俾阿仔扯住頭髮都冇所謂。

兩公婆同其他家長傾「湊仔經」,傾得好投入。

巨肚隨時生

上週六(八日),晶晶一家三口到數碼港艾美酒店的一間西餐廳,參加生日 P。隨時生得的晶晶明顯發福,手腳都出現水腫。著住黑色鬆身衫褲,個肚籮咁大。

佗住霍家骨肉,晶晶小心至上,全程保持慢動作,大部分時間坐定定,唔敢四圍走,湊仔重任交俾老公同工人姐姐。遺傳媽咪運動 DNA, Lawrence冇時停,三歲人仔已學識踩單車,仲鬼咁大膽踩得勁快,追到工人姐姐索晒氣。

Lawrence坐唔定捐入枱底玩,俾霍啟剛捉住訓話。

阿仔爆喊,霍啟剛錫面珠呵番。

晶晶願跟夫家傳統生夠三個,難怪老爺霍震霆錫到燶。

狂食生冷嘢

阿仔放電,晶晶就坐埋一邊同其他家長吹水。就快生得,晶晶唔使戒口,見她大啖大啖食西瓜、又狂啜薄荷冰,勁好胃口。一向廿四孝的霍啟剛全日不停分身,陪完囝囝玩,轉頭又陪老婆。

阿仔玩到身水身汗,俾爸爸捉返餐廳,點知 Lawrence坐唔定,趁爸爸擰轉面,仲捐入枱底玩,晶晶冇咁好氣,相反霍啟剛就捉住囝囝訓話, Lawrence當堂爆喊,見阿仔喊得咁淒涼,霍啟剛心軟抱起囝囝,之後仲狂錫面珠呵番。

坐足兩粒鐘,晶晶終於起身走動,舒展筋骨。不過唔夠五分鐘,晶晶又見攰,要雙手叉腰抖抖。 Party到尾聲,例牌有影大合照環節,一向低調的霍生霍太,為免大肚相流出,只派囝囝同工人姐姐埋位影相。玩足一個下晝,阿仔冇晒電,扭計要爸爸「騎膊馬」,一家三口先行撤退,行去停車場攞車返歸。

順產生 B

預產期今個月的晶晶,雖然已有上一胎經驗,但今次一樣嚴陣以侍,一早做好準備,迎接 BB出世。據知霍啟剛已經 book定養和豪華套房,重金禮聘五人陪月團,到時霍啟剛更會陪晶晶入產房,親手幫 BB剪臍帶。

「同上次一樣晶晶唔想捱一刀,今次都係會揀順產,同埋順產復元得快啲,佢哋兩公婆已經 plan定,一坐完月六月中就會飛去倫敦旅行,過吓二人世界。」知情者說。

上年聖誕前夕,一家三口出發去美國度假,當時晶晶已大肚,但依然踎低湊仔。

去年 11月,晶晶同霍啟剛「夫婦檔」出席慈善活動後,就開始停工,專心安胎。

生得多分得多

霍英東○六年去世後,留低 300億遺產,並立下遺囑以「共產方式」分配。當中包括家族成員共住的沙宣道大宅,甚至名車,全部「阿公」持有,家人每月將獲派一定數量「零用錢」。

據了解,晶晶同霍啟剛原本每月獲「阿公」分派十幾萬「零用錢」,一三年晶晶誕下大仔 Lawrence後,「阿公」即刻開水喉,每月發放多六萬元生活費,一家三口更獲分派價值六千萬的四層排屋,可以搬開自住。換言之,今次晶晶再度有喜,每月又可從家族基金中攞多六萬蚊生活費。

「大家族點都係生得多着數,同埋啟剛話晒係長孫,生第一胎嗰陣,家族基金都撥咗筆錢俾佢哋做 BB教育基金,今次第二胎都唔會少。」

西瓜清胎毒

隨時生得,晶晶唔使戒口,照食西瓜兼狂啜凍飲。

大肚婆禁忌多,要小心注意飲食,戒生冷煎炸食物及凍飲,忌著高踭鞋;但坊間傳言,一般懷孕七至八個月,進入倒數期間,在胎兒穩定情況下,孕婦可以吃適量西瓜,有助容易生 B及清胎毒,減低濕疹症狀。根據家庭醫生關嘉美表示,一般冷凍食物,容易沾染細菌,有機會令孕婦腹瀉腸胃炎,而導致脫水,令胎兒受損害。

至少生三個

坐擁三百億身家的霍英東,家族龐大,每代入門新抱為霍家傳宗接代,誕下金笸籮都重重有賞,生 B獎金當然唔少得,幾乎個個都以朱玲玲為目標,至少生三個先收工。

霍震霆 朱玲玲

78年,與霍英東長子霍震霆閃婚,朱玲玲於三十歲已先後為霍家誕下三名男孫,霍啟剛、霍啟山及霍啟人,為專心照顧三名兒子,朱玲玲全面退出娛樂圈及社交界,其後,有傳夫婦二人關係亮起紅燈,朱玲玲更搬離霍家大宅; 04年,二人離婚收場。

霍震寰 陳琪琪

81年,霍家二公子霍震寰,與麗的訓練班出身的陳琪琪拉埋天窗,婚後陳琪琪即時息影,並育有二子一女。

霍文遜 陳國美

霍英東與二房太太馮堅妮育有三子,其中細仔霍文遜為城中著名外科醫生,霍文遜與陳國美結婚後,火速造人,並誕下二女一子。

撰文:娛樂組

攝影、攝錄:蕭敬漁、瀚鍾


鍾意就快D Share啦!