2017年4月23日 星期日

【獨家】外父姜大偉面前攬女? 52歲曹永廉輕鬆抱走張美妮 __,美妮,姜大偉,曹永廉,張美妮,

舊年憑《公公出宮》中「細雞」一角奪得大台《2016年萬千星輝頒獎典禮》最佳男配角嘅曹永廉,終於獲認同實力,其實都真係開心嘅。難得嘅係,佢繼續為大台效力 ...


舊年憑《公公出宮》中「細雞」一角奪得大台《2016年萬千星輝頒獎典禮》最佳男配角嘅曹永廉,終於獲認同實力,其實都真係開心嘅。難得嘅係,佢繼續為大台效力,又唔見佢爭主角做,呢啲都唔知話佢係安份守己,定應該叫做效忠。日前某個下晝5點幾,《蘋果》撞見曹永廉喺上環荷里活道文武廟門口開工,同場仲有佢外父姜大偉、歐陽震華及張美妮。嗰場戲應該係講姜大偉(John哥)同歐陽震華(Bobby)買完餸,傾偈等曹永廉同張美妮。John哥同Bobby全程都挽住幾袋重重哋嘅餸,而曹永廉呢?唔係冇粗重嘢做㗎!劇情安排曹永廉追上拎住兩大籃餸嘅張美妮,然後再抱起女方喺條斜路度行落嚟,見曹永廉抱起張美妮幾次,狀甚輕鬆,就當張美妮夠輕,但已經52歲嘅曹永廉啲體力真係幾好,因為睇佢個樣好似好輕鬆咁,仲可以抱住張美妮四圍行。喺拍攝期間,4人有講有笑,Bobby更係主動帶動現場氣氛,除咗同John哥狂傾,又同啲劇組crew勁講,氣氛愉快。拍完兩個shot左右,已經接近放工時間,途人開始多,有啲太太級同媽咪級嘅人行過見到Bobby開工,都停低用手機影得呢一刻,好彩冇影響拍攝進度。而曹永廉同John哥,雖然係兩父子(曹永廉太太姜依蘭係姜大偉個女)嘅關係,但現場唔係好見佢哋傾得埋,唔知係咪刻意唔喺開工時間friend,所以見佢哋冇乜交流,連傾偈都唔多覺。

緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB

「蘋果VR」App

App store下載:https://goo.gl/0kW2cK

Google Play下載:https://goo.gl/4K7EHw

(攝影:黃曉妍)

(採訪、攝影:畢紹基、孔志豪) 近日天氣轉熱,仲要着冬裝拍外景,熱到出汗,埋位前有人幫Bobby補妝。 John哥拎住嗰兩袋餸唔講得笑,真係有啲重量。
未roll機,幾位演員邊傾邊笑,氣氛愉快。 真係拍喇
差啲炒埋柱度 在場所見,曹永廉同外父John哥溝通唔多,但傾偈都係有嘅。 拍另一個鏡頭
曹永廉追上前 將張美妮隻手放過自己條頸 抱起
紮行馬 成功

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...