2017年4月23日 星期日

瞬間的永別!鄭家生親述曾守明出事過程 __,曾守明,

最後演出片段~藝人鄭家生昨晚與曾守明、歐瑞偉等在廣州一間酒吧登台,登台期間曾守明突然在台上暈倒,送後返魂乏術。鄭家生講述當時發經過說:「尋晚同守明喺到 ...


最後演出片段~

藝人鄭家生昨晚與曾守明、歐瑞偉等在廣州一間酒吧登台,登台期間曾守明突然在台上暈倒,送後返魂乏術。鄭家生講述當時發經過說:「尋晚同守明喺到廣州酒吧登台,一齊搭中港車時,佢仲冇嘢,大家有講有笑。」

幾秒間的事

鄭家生續說:「其實首先由我唱,我唱完介紹守明出場,我哋當時都有講有笑,跟住我就返入後台,到佢喺台上唱完首歌,準備過場,突然間就暈倒,當時好突然,係幾秒之間嘅事。我就同個中港司機一齊衝上台,將佢抬咗入後台,當時所有人都呆晒!(當時曾守明仲有有知覺﹖)都冇乜知覺,我哋唔係醫護人員,都唔知咩事。因為酒吧離醫院好近,好快醫護人員就嚟到,然後就送咗佢去醫院,知道醫護人員同佢做咗八十分鐘心肺復甦,最後佢都醒唔番!」

或是心臟問題

問是否知道曾守明心臟仍有問題?鄭家生說:「我估八、九成都係心臟問題,唔係唔會咁突然,係幾秒間發生嘅事。」鄭家生原來與曾守明相識四十多年,他大讚曾守明為人很好,樂於幫助別人,他說:「我哋細細個十幾歲已經認識,大家係街坊嚟,好難過。」

遺體暫安放廣州殯儀館

據知曾守明的兒子、太太及家人已經在廣洲為他處理後事,遺體現安放在廣州一家殯儀館。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...