2017年4月23日 星期日

【遺體周二送返港】曾守明出事前演出曝光 同行鄭家生:未送院已經走咗 __,曾守明,

在無綫劇集《全職沒女》中飾演房務部經理司徒健康的資深演員曾守明,兩年前曾做心臟手術激瘦,近年康復再活躍幕前,今日凌晨,他跟好友鄭家生到廣州一間酒吧登台 ...


在無綫劇集《全職沒女》中飾演房務部經理司徒健康的資深演員曾守明,兩年前曾做心臟手術激瘦,近年康復再活躍幕前,今日凌晨,他跟好友鄭家生到廣州一間酒吧登台,可是在台上突然暈倒逝,終年58歲。《蘋果》今日致電同場登台、目擊事發經過的鄭家生,他說:「噚日我哋去廣州登台,中午坐朋友開車上去,全程好悠閒,去到仲食個飯,到凌晨12點先登台,我唱先,跟住介紹守明出場,我就返入後台,佢唱咗梁朝偉嗰首國語歌《你是如此難以忘記》,佢唱咗一part,跟住過音樂,佢突然跌低暈倒,我哋立即出去拉佢入後台。」鄭家生續說:「酒吧附近有醫院,立即有醫護人員衝過嚟酒吧同佢做心外壓同急救,佢都未有送院,搓咗一輪都未有反應,守明一休克,我哋就立即聯絡佢屋企人,未有送院佢就走咗。佢暈咗冇醒過,全程昏迷,所以冇遺言,佢事發到離開一啲辛苦都冇。」鄭家生和曾守明一齊開心登台,卻發生不幸事故,他說:「太突發性,冇辦法,佢太太同囝囝都立即上嚟,可惜今日周日都搞唔到乜嘢手續。佢兩年前心臟做咗手術,近年都康復得好好,可能當時突然病發,血揼唔到上去心臟,缺氧暈倒,我哋噚日開騷前都冇食刺激嘢,晚餐都食得好清,諗唔到會咁。」而事發時,曾守明在場的內地好友王先生表示:「我們陪他最後一段路!他在舞台上很開心的演出,突然倒下,沒有痛苦!昨晚1:13分在舞台倒下,搶救80分鐘左右搶救無效死亡!他的家人今早6時見了他的遺體,遺容安詳。」據王先生透露,曾守明的太太和兒子處理完手續,現正乘車返港,至於曾守明的遺體,將於周二(25日)送返香港。

曾守明昨晚在廣州酒吧唱歌,台上突然不支暈倒。(網絡截圖) 曾守明在台上唱梁朝偉國語歌《你是如此難以忘記》,只唱了一part便暈倒。
曾守明和王先生(左二)、歐瑞偉在後台合照。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...