掃呢頁CODE去手機

2017年4月1日 星期六

Joe Junior由ICU轉番綜合病房 __,Joe Junior,

據知,JoeJunior已由深切治療部轉到綜合內科男病房。藝人JoeJunior日前去完桑拿感不適,由太太陪伴睇醫生,醫生認為如果有需要,就要做通波仔 ...


據知,Joe Junior已由深切治療部轉到綜合內科男病房。

藝人Joe Junior日前去完桑拿感不適,由太太陪伴睇醫生,醫生認為如果有需要,就要做通波仔手術,並安排了在深切治療部檢查。據知,Joe今日已由深切治療部轉到綜合內科男病房。

排緊期通波仔

今日下午四點半,Joe Junior經理人Rose現身醫院見傳媒,更展示Joe的近照給傳媒睇。Rose代表Joe感謝新聞界朋友的關心:「佢嗰日個心有少少事,焗一焗就嚟咗呢度觀察,佢年紀比較大,所以醫生就鍚住佢,想觀察吓,再安排幾時通波仔,依家未做,排緊期。Joe都話多謝大家關心,佢好精神。」

好番就打得波

問到是否因做手術前有藥物敏感而做唔到?Rose否認說:「唔係,係佢年紀大,醫生錫住佢,因為真係要好小心,每個年紀大都會有機會有併發症。」她又指當日Joe焗完桑拿唔舒服就打電話畀太太,而Joe每晚都有焗桑拿的習慣,不過Joe一向身體都好好。提到Joe太是否很擔心,Rose坦言醫院有很好的醫生團隊,所以都好放心,但Joe暫時都會休息兩個月,談到是否即將會做手術,Rose說:「其實件事都係尋日發生,都要等兩三日等佢休養吓,佢間房都好舒服,又有窗又有樹,好精神,大家放心。(要等做完手術才復工?)通常同波仔兩三個星期都起身打得波,睇佢自己身體。(呢幾日做手術?)我諗依幾日啦,要睇醫生,醫生想佢最好狀態先做,因為年紀始終都大。(好冇胃口?)尋晚仲食大碟飯,有Joe太餵佢。」


來源 source: http://hk.on.cc
鍾意就快D Share啦!