戴定太陽眼鏡喇喂！
大陸藝人黃曉明同Angelababy（楊穎）童話式婚禮加上今年一月生B，個個都見證住二人組織小家庭，成個溫馨生活晒遍中港台。最近Baby為雜誌拍攝新相時，又再大晒恩愛幸福生活，仲自爆如果冇遇見到曉明，佢都唔會結婚咁話。
依家先28歲嘅Baby儘管正值事業高峰期，不過仍堅持為黃家開枝散葉，迎接寶寶來臨，原來主要原因係想送畀即將40歲嘅黃曉明一份大禮，她說：「沒有遇到他，我到現在都不會結婚，但凡他年輕點，我也不會那麼早生孩子。」冧得佢！！！Baby又自爆大肚後，成日都幫曉明洗腦話：「就算有了孩子，我也是第一位。」
不過再恩愛，都會多多少少有磨擦，Baby指佢有一次擠完人奶，要老公馬上放冰箱避免壞，結果對方傾緊工作郁都唔郁，乾脆唔理佢嬲到去瞓覺，仲即場扮老公當時誇張攤開雙手道：「你為甚麼要這樣對我？」而當日拍到半夜時，啱啱喺外國番嚟嘅曉明就去咗探班。佢企喺遠處望實老婆做嘢，一邊打喊路一邊等老婆收工，真係廿四孝。
來源 source: http://hk.on.cc
|
鍾意就快D Share啦！
|
|
|