歐陽巧瑩對男友百分百信任！
「木偶哥」林師傑一向與無綫咪神女友歐陽巧瑩愛得煙韌，有如糖黐豆打風都打唔甩，不過最近林師傑就被指背住女友與譚嘉儀在西貢單對單買消夜食，令人覺得非常古怪。
呻影響工作
林師傑對此回覆東網，否認曾與譚嘉儀食消夜，更指自己經常與女友一齊買消夜，相信是有人認錯人：「近呢幾年都冇試過同夜晚譚嘉儀單獨食過嘢，平時成日做嘢都見面，所以私下都冇乜需要再見。我成日都話介紹男仔畀佢，點知今次自己中咗招。」他又指類似的花邊消息對自己形象甚大：「因為咁我錯失咗好多工作機會，可能人哋覺得講一句啫冇乜特別，但其實可以對我影響好大。（會同異性再避忌啲？）唔需要，因為我同其他人係完全冇嘢，同女友感情好穩定。」
歐陽巧瑩嗌好嬲
至於，歐陽巧瑩回覆東網時亦表示自己對男友有百分百信任：「唔係淨係因為愛咁簡單，係因為佢做嘅嘢畀我知佢係好好嘅男仔。我好清楚佢行蹤，知道呢幾個月早出晚歸好辛苦，朝早無綫開工，夜晚就同朋友錄歌，但竟然有人為咗五百蚊而去咁樣傷害我哋，我覺得好嬲，連我媽咪都好戥師傑心痛。」她又指林師傑對於類似新聞感到莫大壓力：「就算有女性已婚舊同學想搵佢食飯，佢都唔敢單獨去，一定拖埋我先敢去。」
來源 source: http://hk.on.cc
|
鍾意就快D Share啦！
|
|
|