最近唐詩詠宣佈同拍拖2年半嘅洪永城分手，雖然呢段戀情當初都不被看好，但係最後都被大家接受，一直等緊好消息，可惜最後「婚」訊變「分」訊，有傳唐詩詠已經另 ...
最近唐詩詠宣佈同拍拖2年半嘅洪永城分手，雖然呢段戀情當初都不被看好，但係最後都被大家接受，一直等緊好消息，可惜最後「婚」訊變「分」訊，有傳唐詩詠已經另結新歡，話佢洗米華嘅愛將盧啟邦（Andrew）拍拖，於是詩詠同洪永城分手，不過亦有傳洪永城性格吊兒郎噹，一方面緋聞多多，另一方面因為唔肯結婚，所以最後詩詠決定斬情絲。究竟係乜嘢原因導致佢哋分手，呢啲真係得當事人先知，不過詩詠喺《不懂撒嬌的女人》入便，由最初同賤han黎諾懿拍拖開始，已經有人話覺得呢段感情好有崔建邦拍拖嘅影子，直到佢同王浩信一齊，大家又好似將現實生活中難實現嘅嘢，投射喺電視劇裡面，變咗唔少觀眾都將佢哋段感情幻化成童話故事。不過正如王浩信之前曾經講過，喺頭半PART呢段感情確好童話，但係去到後半PART會發現實在有好嘢要面對，一方面要應付工作同生活上壓力，另一方面又要克服婚姻帶嚟嘅恐懼，去到結局篇，好似王浩信同唐詩詠雖然決定結婚，但係喺影婚紗相嗰陣，王浩信身上出滿紅疹，之後唐詩詠知道其中一個點解會有恐懼嘅原因。之後佢哋又咗台南，王浩信再次對住唐詩詠唱《陪著你走》，但係唐詩詠最後都失咗踪。雖然王浩信每一日都風雨不改喺同一個地點咁send張打咭相俾唐詩詠，但係都冇回覆，連表妹純純同賤Han都叫佢放棄，點知有一日終於遇到唐詩詠，但係聽講結局並唔係大家所預期係大團圓。而早前王浩信就同唐詩詠拍同《不懂撒嬌》嘅戲(詳見： http://bit.ly/2pWdpyN )，會唔會係補拍一個新嘅結局，即係一個大團圓畀大家呢？但套劇以4K制作，後期應該就係唔切嘅，可能會喺myTVsuper入面播出，不過大家都唔好太大期望，因為都可能只係拍宣傳片，真係唔到大結局都唔知會發生咩事。
