戰友突離世 北上再開始
陳曉東人生重創
【《蘋果》專訪】
陳曉東大前年娶台灣護士王妤嫻做老婆，現已為兩女之父，每當提到「一屋三女」，東東嘴角總會泛起甜到漏笑容，一臉幸福。不過，昔日東東無論事業及愛情路皆不平坦，尤其十七年前經理人梁少英自殺輕身，令他大受打擊，之後避走香港，轉戰內地發展，幸事業由低谷再反彈，現在家庭、事業兩得意。然而，東東仍渴望回港舉行演唱會，並公開呼籲紅館開綠燈！
陳曉東日前接受本報訪問時，自爆已入紙申請紅館檔期，希望能開騷會歌迷。
現年41歲的陳曉東，已是兩女之父，搣甩昔日唇紅齒白的𡃁仔形象，多了一份熟男味，他每次提起太太王妤嫻及兩個女兒「朵朵」及「多多」，嘴角都會泛起甜到漏的笑容，一臉幸福。問是否為太太王妤嫻修心養性？東東即大讚老婆是個好好的人，不但有修養，亦很懂得為人設想，影響他很多。
「好傷心回憶」
95年出道的東東，事業、愛情路同樣走過不少崎嶇路，回想當年每逢與女藝人合作都會傳緋聞，他形容是「鑊鑊新鮮鑊鑊甘」。不過，當年除了與恩師戴思聰因合約問題反目，經理人梁少英（Rebecca）自殺過身，令東東承受了不少壓力，幸其後轉戰內地，滑落的事業有機會重新洗牌，憑劇集再次爆紅的他，最終選擇定居北京，享受台下生活的家庭樂。
東東自言有意再與梁詠琪及黃偉文合作拍戲。
東東對前經理人自殺，曾自責是否給予對方太大壓力。
日前，東東返港接受本報專訪，首度談及十七年前經理人Rebecca忽然離世，直言那是他生命中一個好傷心的回憶，東東瞪大眼說：「我記得嗰日我瞓喺床，公司打電話嚟，我即刻彈起咗，噚日先同佢傾緊嘢，點解會咁？」縱使明白人生沒「如果」，但東東仍然希望幻想可成真：「我有時會諗，如果有得返轉頭，有多啲時間，我係咪應該出多啲力，令佢（Rebecca）冇咁大壓力，有去反省，真係好sad！」
申請紅館開騷
年初返港拍護髮產品廣告的東東，早前又上無綫節目獻唱昔日金曲，問是否很掛念香港？他即自爆：「我已經入咗紙申請紅館開騷喇！」更續謂：「紅館批嚟批去都唔批，我就嚟要叫我啲fans請願㗎快啲批畀我玩吓」
定居北京的東東，2013年曾返港與陳慧琳同台演出。資料圖片
東東除了希望踏上紅館舞台，亦恨拍港產片，他表示：「今次返嚟（香港）都有人邀約，但我唔想演偶像劇……雖然我相信都唔會搵我演。其實我想演一啲反差大嘅角色，想有動作，想演警察。」他又笑說早前見到梁詠琪，大家都說可再拍《初戀無限Touch》續集，有份參演的黃偉文更笑說戲名可以叫《初戀無限Keep in Touch》。
採訪：四寶
攝影：沈健程
場地提供：中環迷你酒店
|
鍾意就快D Share啦！
|
|
|