東方龍獅周六(27日)於季後附加賽3比0擊敗冠忠南區，取得明年亞冠盃身二圈外圍賽資格，惟創造女帥捧盃歷史的主教練「牛丸」陳婉婷賽後宣布請辭，改由助教司徒文俊接任主教練，而「牛丸」今夏將負笈海外完成亞洲足協專業級教練牌照課程，在會方挽留下，仍會留任教練團成員。
東方龍獅今季於本地賽事四大皆空，「牛丸」直言身為主教練責無旁貸，但不代表就此「認輸」:「好彩仲後生，仲有任性本錢。今次可以講得上係一個休止符，休息係為咗走更長嘅路。其實今次決定係諗咗好耐，今個球季經歷好多挫敗同壓力，呢段時間除咗休息之餘，亦會藉住Pro License課繼續進修，學習點去做一個好教練，喺呢個崗位繼續努力。」從創造健力士歷史到球隊今季四大皆空，被問到會否如同「由天上跌落嚟」般打擊，牛丸強調只想踏實做個好教練，是否「跌落嚟」並不重要。
回首過去530日的領軍生涯，「牛丸」不禁眼泛淚光哽咽起來:「記得初接手時戰戰兢兢，全賴球隊上下幫手，好感激一班職球員可以放低成見，全心全意付出，呢份團結實在唔容易。唔捨得一定有，但做人唔可以感情用事，我相信以司徒(候任主教練司徒文俊)嘅經驗同資歷，下季一定可以帶領球隊拎番失去嘅嘢。」
牛丸賽後獲得不少球迷鼓勵支持，包括曾在青年軍被她執教的小將亦到場「集郵」，令她破涕為笑。直言舒一口氣的她最想「踢番場波」減壓:「總算以勝利完結球季，始終輸咗咁多個冠軍，始終要時間調整傷口。呢段時間好多事情來得太快，一切急如走馬看花，冇時間停低諗下有咩做得好同唔同。喺度再次多謝一班『麻甩』職球員，大家一齊喊過痛過開心過，每個回憶都好寶貴。不過同大家一齊咁耐，個人都開始有啲麻甩，嚟緊係時候變番女性化啲。」
陳婉婷去季上任東方龍獅教練，就帶領球隊奪得高級組銀牌、港超冠軍。牛丸以女教頭身份帶領東方奪標，人氣因外國傳媒的報道而急升。
牛丸的冒起，讓現年28的她連贏亞洲足協年度最佳教練、港超聯最佳教練。健力士世界紀錄大全亦確認牛丸成就，令她以首位於男子職業聯賽奪冠的女主帥身份，走入這個聞名於世的紀錄集。
|
鍾意就快D Share啦！
|
|
|