心動就不如立即行動喇！！
藝人袁文傑出席慈善活動，近日憑劇集《不懂撒嬌的女人》而人氣急升的他，坦言因為劇集帶挈而多了廣告接拍搵真銀，記者笑問他是否要儲老婆本？他說：「一直都有儲，係有咁嘅計劃，但未有確實日子。（求咗婚未？）唔使求啦，我哋一向好好，不過如果真係正式提出嘅時候，都會營造一個最浪漫嘅時刻！（會咩形式結婚？ ）有諗過旅行結婚，同一班朋友。（之前係咪睇婚紗？ ）係我哋行過，咁我見到件婚紗幾靚，所以就企咗喺度睇。（係咪因為近來多咗工作想專注事業先？）唔係呢件事而注定一件事，同事業衝刺冇關係。（你哋會唔會生小朋友？）佢最近同我講話想，咁我一直都鍾意小朋友，所以都要快啲！」
否認與陳展鵬惡鬥多年
此外，有指他跟藝人陳展鵬競爭而惡鬥多年？他否認說：「我想講，佢入亞視嗰陣，我同佢、同埋黃璦瑤加杜挺豪一齊去過英國玩十幾日，如果唔friend點會一齊去旅行？後來展鵬過咗去TVB，我有乜嘢問題都會打去問佢，就算佢拍緊劇忙緊，第日都會覆番電話畀我，我問佢係因為我覺得佢個人好心思細密，所以唔明點解有呢啲報道。」
來源 source: http://hk.on.cc
|
鍾意就快D Share啦！
|
|
|