姊妹嘅嘢，幾忙都要見嘅。
女星胡杏兒、胡定欣及黃智雯等人向來姊妹情深，仲組成「胡說八道會」，就算工作咁忙都好，依然不時抽空約食飯，令人羨慕！尋晚「胡說八道會」又再聚會，就連拍緊新劇《宮心計2深宮計》嘅定欣亦收工趕過去，仲喺社交網放上合照，留言：「難得齊人，我都要以皇后裝頭去見大家。」
相中所見，梳住古裝頭嘅定欣「穿越」現身，仲不忘同一班現代LOOK嘅好姊妹合照，相當搞笑！智雯仲好有心，親手整甜品孝敬皇后娘娘定欣，個甜品仲起名為「北海道士多啤梨果醬北海道牛奶北海道紅豆醬加韓國士多啤梨奶凍」，齋睇個名咁多字咁有氣勢，應該好睇又好食嘅。
來源 source: http://hk.on.cc
|
鍾意就快D Share啦！
|
|
|
