掃呢頁CODE去手機

2017年5月9日 星期二

【勁過高Ling】《不懂撒嬌》游生都好激 全裸露股 __,高Ling,高海寧,

前亞視藝員袁文傑,過檔無綫後,喺最近播出嘅大熱劇集《不懂撒嬌的女人》入面,做宣萱同林文龍嘅大老闆游生,戲中就見佢不時去泳池游水水,而高海寧同唐詩詠為咗 ...


前亞視藝員袁文傑,過檔無綫後,喺最近播出嘅大熱劇集《不懂撒嬌的女人》入面,做宣萱同林文龍嘅大老闆游生,戲中就見佢不時去泳池游水水,而高海寧同唐詩詠為咗要見見大老闆,都要以泳裝示人,而游生都唔會吝惜佢嘅Body,都會騷下肌,但原來網民最懷念嘅係佢當年幫亞視拍嘅旅遊特輯《愛在異鄉的季節》,全裸露背嘅一幕,有「高登仔」仲話睇到流晒口水添。袁文傑早於90年參加無綫嘅藝員訓練班出身,同期嘅仲有古巨基㖭,之後就去咗做模特兒,95年去咗亞視發展,亞視年代袁文傑已經有「亞視型男」同「亞視帥哥」之稱,仲要係英超球隊「阿仙奴」嘅忠實球迷,而佢喺亞視主力都係做啲綜藝主持,後期仲被捧為當家小生之一,講到最經典嘅就係08年,佢同吳婷欣去咗了日本東北部拍攝旅遊節目《愛在異鄉的季節》,當時袁文傑就入鄉隨俗,赤條條咁享受浸溫泉之樂,佢仲好大膽咁喺鏡頭前露出渾圓嘅Pat Pat。當時佢接受《蘋果》電話訪問就話:「我見日本麻甩佬都係咁樣去浸溫泉,導演建議我拍個剪影,我都覺得接受,反而成日拍住披毛巾畫面好悶。」(新聞連結:http://bit.ly/2pWzY57 )最近《撒嬌》熱潮,注意力除咗集中係「純純」、高海寧同唐詩詠嘅身材外,有「高登仔」就攞番袁文傑9年前嘅裸照,話睇到流晒口水,仲有網民留言話:「袁文傑俾亞視浪費了廿年,好希望佢係TVB發熱發光,為阿仙奴爭一口氣」。

袁文傑被網民摷番08年拍旅遊特輯時嘅露背裸照。 《撒嬌》入面嘅游生,不時都去游水。(電視截圖) (電視截圖)
(電視截圖) 08年拍攝旅遊節目《愛在異鄉的季節》。(資料圖片) 《愛在異鄉的季節》(資料圖片)
袁文傑喺亞視時都有做司儀。(資料圖片) (資料圖片)

來源 source: http://s.nextmedia.com
鍾意就快D Share啦!