掃呢頁CODE去手機

2017年6月22日 星期四

拍劇唔人道 焗吞過期饅頭 樂瞳離巢:唔想企後面做阿媽 [壹週刊 - 1424] __,樂瞳,M1,

探熱針拍劇唔人道 焗吞過期饅頭 樂瞳離巢:唔想企後面做阿媽近年不少藝員回巢大台搵食,但亦有人心口掛個勇字離場。投放十年青春在大台的樂瞳(原名龔茜彤), ...


探熱針

拍劇唔人道 焗吞過期饅頭 樂瞳離巢:唔想企後面做阿媽

近年不少藝員回巢大台搵食,但亦有人心口掛個勇字離場。

投放十年青春在大台的樂瞳(原名龔茜彤),決定不續約,三十歲跳出安全區,入影壇頭炮做打女。

令她心灰意冷,導火線是拍劇時焗吞過期饅頭,非常不人道!

道具阿哥勸唔好吞

上週約滿大台外闖的樂瞳直言:「呢十年,我搵唔到錢!」事實上,近兩、三年她的工作量已很少,她大嘆:「一年拍得一至兩部,我唔介意做女配,但求角色有得發揮吓,不過近年做嚟做去都係嗰啲,戲份愈嚟愈少,我怕十年後已變甘草,或者企喺後面做人阿媽!」

但真正的催化劑,是在告別作《平安谷之詭谷傳說》演閒角之外,更被迫硬吞幾籠放了超過一星期的道具饅頭。

「我喺《平安谷》造型好突出,演一個黑黑實實大力妹,但角色實際功能唔多,我唔想再做,因為每次收工都好低落。試過一場戲,我食咗三底,吞咗起碼六、七個饅頭,嗰啲饅頭擺咗一個星期,道具叔叔勸我唔好食,但呢場戲我俾鏡頭圍住,點可以唔食。」樂瞳說。

樂瞳皮膚白滑,監製要求她為角色去曬黑,她表示:「我好易曬傷兼甩皮,惟有自己花錢定期去噴黑啲皮膚。角色就算唔重戲份,我都盡本分做好。」

在大台十年,一副童顏的她,專被派演𡃁妹角色,最近離巢,即遇機會演打女。雖是遲來的發力,但樂瞳把握機會搏命操。

鋪定後路,樂瞳近年學埋品酒。「離開 TVB,我俾三年時間闖一闖,希望有啲成績。」

在大台告別作《平安谷》,樂瞳被安排做閒角,一幕焗吞過期饅頭,令她感到沮喪。

在《平安谷》,樂瞳拍得辛苦,她說角色其實無乜發揮,付出與收穫不成正比,幸有一班好同事安慰。

角色經常被搶走

明知同大台冇得講金,樂瞳只求一個發揮機會。十年來雖得不少監製賞識,但有傳多次安排給她的角色,最終被人搶走。對此,她沒有否認:「係有嘅……其實臨走時都發生呢啲事,因為我未落實續約,而令到一啲機會被抽走。不過冇人知結果係點,我冇後悔個決定!」

陳凱琳、沈卓盈等同劇演員齊齊歡送樂瞳。

樂瞳是 09年樂壇新人,在叱咤頒獎禮,她奪新人銅獎,銀獎是徐子珊,金獎得主屬余翠芝。

之後在《法證先鋒 II》演天眼少女,亦獲不少好評。有發揮的角色,樂瞳都有能力成為焦點。

早年在大台劇《點解阿 Sir係阿 Sir》跑出,加上身材有料,一度被網民封為女神,可惜仍被大台忽視。

撰文、攝影、攝錄:娛樂組

場地提供: Sohofama@PMQ FFG Martial Arts& Fitness Center


鍾意就快D Share啦!