搵項明生過兩招
洪永城（Tony）重提兩年前到北韓時因一本旅遊書被扣查，經歷嚇破膽！曾到北韓旅行的旅遊達人項明生及前新聞主播方健儀（Akina）對於北韓的看法頗有不同。項明生表示洪永城出發前有向他取經，討論有甚麼事不能做：「我有提佢身上唔可以有金正恩啲半身相，不過佢已經好小心o架喇！飯局上我哋研究應該點主持，最緊要中立。」他又指當地導遊對旅客規定嚴格：「導遊見到我寫嘢，會問我寫啲咩，又會Check住你啲嘢。（再去？）一次就夠喇！」
至於跟團出發的Akina表示旅程順利及開心，笑言自己相當驚青，不停問領隊是否不能帶美國及韓國產品，但領隊表示冇所謂：「我哋都自律，格式化晒手機入面嘅相，我覺得當地導遊唔算太嚴，係隨團有個攝影師，我哋都醒水，有鏡頭對住梗係自律啲！」她更笑言下次會帶阿媽再到北韓：「我買咗北韓人參爽膚水畀阿媽，佢話好好用，話下次要同我一齊去！我覺得去每個地方都唔好挑戰人哋嘅規矩，去北韓真係唔係諗住去玩去Hea，係去體驗。」
來源 source: http://orientaldaily.on.cc
|
鍾意就快D Share啦！
|
|
|
