鄧劍群致力推動粵劇，認真有心！
六十年代以五萬元港幣的資本打造鞋業王國，高峰時期每年營業額逾百億元的「鞋王」鄧劍群，早年因和三奶李姿霆的官司而常在娛樂版出現，近年也和娛樂圈扯上關係，在粵劇界無人不曉！一直醉心粵劇、笑言抱着「我不入地獄誰入地獄」的心態不理賺蝕搞粵劇的鄧劍群，多年前成立耀群聲粵劇團推動粵劇發展，現在更和新娛國際的負責人丘亞葵合作，於八月在高山劇場打造注入全新元素的六十年戲寶《帝女花》，並由梁兆明及王戈丹擔綱演出。
差啲兩次入娛圈
惺惺相惜，鄧劍群表示欣賞丘亞葵的創意及毅力，雙方理念相同，一拍即合，更指今年《帝女花》面世六十周年，所以今年粵劇界鬧出六胞胎分別上演，但不怕會被比較。鄧劍群說：「無論戲服、燈光以及舞台設計都係打破傳統，好似《庵遇》傳統係背景有個觀音，依家係冇，令演員可以將內心戲發揮，同觀眾更有交流。所有演員平均年齡唔超過四十歲，就連十二宮女都係搵年青舞蹈員去做，又會多加武場，就係想注入生氣同活力。」笑言自己「靚仔」的鄧劍群自爆兩度爭點踏入娛樂圈，十五歲在街邊擺擋時獲一代名伶文覺非弟弟文醒鴻睇中，經歷一段短短「街頭學藝」的日子，一邊擺檔一邊學戲，但不到一年對方逝世而終止學戲；第二次則加入嶺光演藝訓練班但被父親發現而被迫「輟學」。
「李字，碰不得。」
一命二運三風水，注定他要營商闖出一片天，唯獨一次他始終不信命，曾和三奶李姿霆打足八年官司，最後獲勝的鄧劍群說：「批命話我，一字記之曰：李字，碰不得。我唔信，估唔到成為我一生嘅遺憾，真係桃花劫！」退下火線搞粵劇享兒孫樂的鄧劍群，直言「晚晚返屋企食飯」是風雨不改的習慣，大抵也是他和太太維持情比金堅之道。
來源 source: http://hk.on.cc
|
鍾意就快D Share啦！
|
|
|