苟芸慧與陸漢洋呢對情侶首次孖出席公開活動。兩人一同受訪，陸漢洋揚言已計劃好結婚，苟芸慧冧爆望男友，真係sweet到暈！問到二人是否好事近，是否要恭喜他們？苟芸慧即變身撒嬌的女人，冧爆地問身旁的男友說：「係唔係？」陸漢洋直認苟芸慧是她的結婚對像，更向女友大派定心丸說：「好事梗係要近，我哋拍拖，係一件好開心嘅事。我終於喺地球搵到我要嘅外星人，佢肯定係結婚對像，冇諗過要轉。大家依家喺事業上重新起步，大家都好關注我哋結婚，事業上奮鬥緊，我哋溝通過，喺腦海中有好多畫面，只係時間、地點問題，人物已經有，適當時做適當嘢。好多朋友對我哋公開咗反應都好好，其實我哋想做正常人，拍拖拖吓手仔。」
陸漢洋又指女友是個慢熱的人，故剛剛宣布拍拖，冇理由咁快就求婚，故只是時間未肯定，但基本上已認定對方，他直言：「不在乎曾經擁有，只希望天長地久。」問到兩人是否已同居？陸漢洋指是鄰居，笑言唔係住劏房。
提到送給苟芸慧的戒指，陸漢洋表示是媽咪送的，當找到人生伴侶就送給她：「我就加咗啲設計送畀佢，係驚喜。（幾時送？）有一日不失報道佢唔開心，佢心情麻麻，原本諗住佢生日先送，但嗰刻忍唔住，佢因為咁唔開心好傻，嗰刻佢唔開心，我又心痛，所以就送戒指。」苟芸慧都話收到時好感動！
給予苟芸慧1001分
陸漢洋表示已計劃好結婚，只是沒有話給苟芸慧知，要留驚喜：「首先依家唔使驚佢SAY NO，以前睇財經先，依家睇娛樂先，慢慢，唔好一次畀驚喜。（要寵佢一世？） 係，寵佢一世，寵一日唔得，一生人承諾，佢係一個女神，行出嚟畀人知封盤，好多謝佢。」陸漢洋更直言沒有見女友幾日，已經好掛住，又畀女友1001分，而苟芸慧則畀101分予陸漢洋。問到苟芸慧是否已待嫁？她說：「等佢講，應該佢問。」陸漢洋直言要一步一步，看環境、地點及情況，更笑言已收賣她的家人。
|
鍾意就快D Share啦！
|
|
|