36歲的名模樂基兒（Gaile）2012年宣布與天王黎明結束四年婚姻，除下天王嫂銜頭後，愛情大過天的Gaile不愁寂寞。去年元旦在社交網站上載與從事有機食物生意的Ian合照，公布戀情！拍拖近兩年，二人不時被拍得一起做運動及去超市買餸煮飯，更過着甜蜜的同居生活。外間不時傳出二人結婚報道，日前再有消息指Ian向Gaile求婚成功，更計劃八月拉埋天窗，而Gaile近日又被拍得肚凸凸疑似有喜。
將於八月美國結婚
東網記者向Gaile求證，一向敢言的她大方承認婚事，更自爆早於去年八月已經訂婚，由於二人都是再婚，故婚禮不會鋪張，她甜蜜透露：「我哋會喺8月結婚，會喺美國加州舉行婚禮，婚禮係一個好小型、簡單，屬於我哋兩個嘅派對，只有大概50人參加，主要係我哋父母同親友。（返香港再否擺酒？）返嚟唔會擺酒，所有儀式會喺美國完成。（未婚夫有乜嘢打動你會再婚？）唔話畀你知，哈哈！」
大爆去年求婚過程
Gaile又分享去年八月的訂婚過程，她表示當時二人都身在美國放假，加上八月是其生日，當日Ian就穿着一身西裝打扮，更着Gaile要穿隆重一點，Gaile不以為意，還以為Ian為她慶生吃飯，她笑說：「同佢去咗加州北部嘅小鎮Sonoma County，佢話同我食生日飯，去到先知係求婚，我以為係切蛋糕，點知係收戒指。嗰個地方四野無人，係佢上網搵嘅，只有一片草野同一個白色涼亭，佢預備咗餐枱，上面有鮮花、香檳同戒指，因為周圍冇人，所以我哋合照都冇，張合照喺我腦海裏面，哈哈！」
否認雙喜臨門
近日Gaile被拍得身形翻脹，問到是否雙喜臨門？她否認其事，指二人沒有生育計劃，她續說：「我肥咗因為戒咗煙，我下星期會去泰國上瑜伽導師訓練課程，呢個課程要你無煙訓練呼吸，如果你唔戒煙又去上堂，咁就冇意思。戒咗煙後成日想食pizza；其實我一直都想戒煙，而且我近年接觸咗瑜伽之後，覺得改變咗好多，令我一年好過一年，希望成功戒煙！」
|
鍾意就快D Share啦！
|
|
|