依家叫張珮汶呀！
藝人張家瑩出席仁美清敘主席程瑤旗下舞台製作公司舉行的周年晚宴活動，身穿貼身裙的她谷胸上陣。受訪時，她自爆前幾日已改名做「張珮汶」，表示有個台灣朋友跟易經師傅學易經。師傅又指舊名同八字唔夾，改名後對健康及事業會好啲，師傅亦講中了自己健康方面的事情，故決定改名。問到之前健康有很多毛病？她謂前幾年身體麻麻地，但現已好番。
張珮汶續謂師傅跟自己講，人的命運有高低，特別40歲後如果有低潮的話新名就會產生作用：「所以依家改咗佢，如果拖多幾年到40歲先改不如唔好改。」問到新名可會旺埋感情方面？她笑言：「感情不嬲都幾好。（咁改咗新名咪會唔好？）唔關事，佢冇提過會影響感情。」她亦謂舊名是爸爸改，故改了新名後亦有第一時間跟父母講，他們都不介意：「因為對我事業同健康好啲。（佢哋依家會點叫你？）叫番我瑩瑩，因為唔會迫老人家改口，朋友或同輩會叫新名，或者叫Grace。」
來源 source: http://hk.on.cc
|
鍾意就快D Share啦！
|
|
|
