掃呢頁CODE去手機

2017年6月7日 星期三

【《蘋果》FB LIVE】與手錶品牌續約 方中信認錯:我言語失誤令品牌尷尬 __,蘋果,方中信,

人生真係充滿驚喜。5月26日,即係上個月先至俾代言九年嘅瑞士手錶品牌「言行失當,完全與其品牌代言人的身份不符,以致公司管理層及在場嘉賓尷尬萬分」、「嚴 ...


人生真係充滿驚喜。5月26日,即係上個月先至俾代言九年嘅瑞士手錶品牌「言行失當,完全與其品牌代言人的身份不符,以致公司管理層及在場嘉賓尷尬萬分」、「嚴重破壞」品牌經多年建立起來之形象及聲譽為由即時終止代言合約。今日,咦,又簽番約喇……係續約至真。方中信由09年開始已是該D字頭品牌亞太區代言人,今次落order炒佢,發聲明嘅亦係亞太區公司。今午二時,方中信同D字頭品牌高層齊齊到Ritz-Carlton酒店出席活動,續約。身穿西裝外套官仔骨骨嘅方中信,上台時神情拘謹,待見到品牌兩位出席高層時才露歡容,又合十,方中信在記招上表示,「好多謝各位傳媒朋友,連日嚟睇番DOXA同我嘅報道,希望喺呢度作出一個適當同公平嘅回應。事件係發生喺品牌答謝宴上,因為流程同溝通上出現誤會,發生一啲不愉快事件。因為我言語上失誤令到在場嘉賓同品牌尷尬,我要衷心致歉。」說時方中信對稿讀,語氣有啲無奈。方中信又指:「其實我一直有出席同類型活動同宴會,所以報道指主辦方要我做啲我不願意嘅事情,係絕不存在。我哋合作9年,我睇住呢個品牌成長,就好似睇住小朋友成長咁,所以我唔願意品牌再受任何傷害。亦都多謝Jenny家族嘅重視,仲有到場。」傳媒問方中信其道歉聲明是否感到無奈?他稱:「唔係無奈嘅,只不過係將過程交代番出嚟啫,同埋都係溝通有誤會啫。既然都發生咗,畢竟大家合作咁多年,都需要解決。基本上我仲有兩個月就完約,我都係傾緊續約。」方中信訪問已於《蘋果》FB LIVE,重溫請按 : https://www.facebook.com/hk.nextmedia/

方中信今日現身Doxa品牌記招時,一出場雙手合十。 喺記招上,方中信向品牌誠心認錯,話自己之前言辭失當。(攝影:沈健程)
方中信合十時,Doxa高層似乎並未留意。

來源 source: http://s.nextmedia.com
鍾意就快D Share啦!