Gin Lee罕有咁性感。
歌手李幸倪（Gin Lee）與側田的演唱會圓滿舉行，問到兩人是否唔夠喉？帶病上陣的側田說：「係，好似啱啱開始咁，可能因為仲有啲菌，但愈唱得耐，流汗時啲菌就散晒，好番喇。」講到他在演唱《幸福止痛》時一度感觸落淚，他坦言因為即將推出的新碟籌備了兩年，終於可在這個大舞台上公開演唱，而這首歌描述到他內心深處的感覺：「我唔係唔開心，而係諗起2年前做呢隻歌時嘅不安。」
而Gin Lee在獨唱環節時才身穿大Deep V裝，問到是否怕被側田睇蝕？她笑說：「咁你（側田）要反省吓喇，唔係，咁啱啫，天氣熱嘛！」側田亦搞笑說：「係囉，點解嘅？你係咪着錯咗？前後調轉咗？」Gin Lee透露穿這套服飾時亦戰戰兢兢：「有時會撳一撳，都黐咗好多膠紙，但因為係咁郁，都要時不時check吓。（淨係着幾首歌？）因為個part要sexy，件衫係尋晚先決定嘅，唱完呢part就轉mood，所以都轉衫。」
側田笑言如果看見Gin Lee穿Deep V，可能會彈不到結他，又指她已變成偶像派，Gin Lee即說：「就算係偶像派都係優質偶像派，有實力嘅。」她又謂父母亦特意由馬來西亞來港捧場，講到她在父母面前打扮性感，她笑言父母應該嚇親：「我尋晚試咗件衫之後冇同佢哋講到嘅，諗住畀個surprise佢哋，陣間問佢哋有冇暈，因為我係第一次喺佢哋面前着咁少布，都係第一次表演着到咁。」問到可會轉走性感路線？Gin Lee指要配合音樂：「表演需要係可以更性感嘅，我都唔知，好似今次表演都冇expect過會咁性感，下次再睇點。」
來源 source: http://hk.on.cc
|
鍾意就快D Share啦！
|
|
|
