歌手陳柏宇（Jason）與模特兒女友符曉薇（Leanne）結束5年甜蜜拍拖生活，將於明日（2日）拍拖紀念日舉行婚宴，齊齊展開人生新一頁。一對準新人接受東網電話訪問時，問到結婚在即心情如何？Jason和Leanne齊聲表示心情沒有太緊張，但結婚瑣事繁多，Jason話：「一陣就同Leanne去太公度斟茶。」問可趁結婚前搞次單身派對狂歡一夜？Jason話：「冇喎。」不過Leanne自爆昨晚已撇下Jason，和外國來港的姊妹開了單身派對：「我同班朋友落老蘭（蘭桂坊）蒲咗喇，玩到凌晨3點幾。（Jason有冇嚟接你返屋企？）冇喎，各自返屋企，因為佢喺屋企要照顧啲貓。」
搵足13位兄弟夠氣勢
問到明天結婚的流程？Jason指Leanne要凌晨6時到酒店裝身、化妝，之後有接新娘儀式，還會向前輩跪地斟茶，而Jason的兄弟團有兩位伴郎及13名兄弟，連埋他自己一共16人，問可有心理準被姊妹被玩謝？他豪氣說：「冇所謂，我都玩得，但唔知班姊妹玩乜遊戲，佢哋好神秘。」約3時就會於律師見證下在酒店舉行結婚簽字儀式，再跟Leanne和新聞界會面，接受大家的祝福，而婚宴將於8時左右舉行，筵開40席，亦請了不少圈中好友前來飲喜酒。除他所屬的唱片公司歌手外，還有多年好友如小肥、「生煎包王」蕭潤邦及其女友江若琳，還有曾傳緋聞的張紋嘉等，不過就沒有請前女友裕美。
第二朝即刻起程飛夏威夷度蜜月
問婚宴後可有after party？Leanne表示：「未知，因為都會好攰，我哋留喺酒店瞓，第二朝又起程去夏威夷度蜜月？（咁心急造人？）唔一定為造人，只係我好鍾意陽光與海灘。」Leanne又謂明日結婚會着共四套嫁衣，分別是出門時的紅裙、之後就是簽紙儀式及擺酒着的兩套婚紗，還有送賓客的晚裝，問哪一套最性感？她哈哈笑：「套套都性感，我冇準備裙褂。」
|
鍾意就快D Share啦！
|
|
|