掃呢頁CODE去手機

2017年7月14日 星期五

【獨家】素顏亞男做跟得老婆 2億樓王祖藍超市掃特價包 __,祖藍,王祖藍,

今年37歲嘅王祖藍,細細個住沙田恆安邨,爸爸喺佢讀演藝學院時因病去世。身為家中男丁嘅佢,自此就要負責揹起成頭家責任。不過祖藍自4年前拍咗大台hit劇《 ...


今年37歲嘅王祖藍,細細個住沙田恆安邨,爸爸喺佢讀演藝學院時因病去世。身為家中男丁嘅佢,自此就要負責揹起成頭家責任。不過祖藍自4年前拍咗大台hit劇《老表,你好嘢》,令事業攀上首個頂峰。兩年前,祖藍娶亞男,5呎3配5呎9,長短腳之戀開花結果,同時祖藍亦瞓身北上搵真銀,喺湖南衞視節目《百變大咖秀》中扮G.E.M.同《奔跑吧》,令擅於做詼諧角色嘅王祖藍,火速爆紅。喺大陸吸滿金嘅祖藍,除咗成立公司做經理人,兩年前更以逾1億1千萬,買入連私人空中泳池複式單位做新愛巢,老婆李亞男更係1個人持有呢個物業,葡萄死唔少港女!連埋兩個同區物業再加其他磚頭,估計祖藍現時身家超過2億。身家暴漲嘅代價,就係兩公婆相處時間買少見少,日前祖藍難得留港,有讀者郭小姐就見到佢陪老婆到沙田City'Super行超市當拍拖。郭小姐表示:「嗰晚大約晚上9點,超市唔算多人,其實一眼就望到祖藍,除咗佢個樣易認,佢嗰晚又着咗件類似尼泊爾民族衫兼踢拖,佢老婆就冇化妝,成程跟喺老公身後笑咪咪咁。呢個時段,超市會有啲特價面包,佢哋都有買,另外亦有買生果同菜,之後由祖藍負責俾錢埋單。」據讀者郭小姐所講,二人喺超市買完嘢,就落下一層嘅Godiva買雪糕,等老公俾完錢,望住杯軟雪糕嘅亞男,拎住雪糕keep住傻笑,然後繼續做跟得老婆,跟實老公身後貼住行。做成功男人背後嘅女人,李亞男甘心做,做得稱職,亦應該做得相當愜意滿足。

(相片由讀者提供) 長期喺大陸掘金嘅王祖藍,日前同老婆喺超市買嘢食,仲喺特價時段掃包同生果。(相片由讀者提供) 雖然兩公婆唔係雞啄唔斷,不過有老公喺身邊嘅亞男,全程笑咪咪。(相片由讀者提供)
笑到停唔到嘴。(相片由讀者提供) 祖藍之後陪老婆去買雪糕,望住杯雪糕嘅亞男,繼續笑笑口。(相片由讀者提供) 大部份時間祖藍都行先,老婆跟尾。(相片由讀者提供)
當日祖藍踢拖亞男着涼鞋,一副街坊裝。(資料圖片) 祖藍喺《奔跑吧》狂吸金。(資料圖片) 湖南衞視節目《百變大咖秀》中,祖藍騎呢扮相出位。(資料圖片)
仲扮阿G.E.M.(資料圖片)

來源 source: http://s.nextmedia.com
鍾意就快D Share啦!