睇嚟好快會和好。
藝人溫碧霞於下午十二時四十五分 在三名工作人員陪同下現身機場，身穿吊帶白色裙的她，雙眼明顯浮腫，精神麻麻，右手無名指配戴戒指。
被問到精神如何？她先感謝各界關心，被爆與丈夫何祖光分居的她，謂事件發生後很多朋友與家人的關心，她謂：「兩個人相處，無可能永遠風平浪靜，一定有小風波，一開始到依家，我哋係兩個世界嘅人，我係藝人比較情緒化，大家睇法唔一樣！」她又坦言與老公各有各忙，不論見面、了解、溝通都變少，但二人的關係並非如外界所想的嚴重，並坦言：「十七年感情唔係話分開就分開，發生呢件事之後，先更加明白佢依然好關心我，我依然好關心佢！」至於可會給予機會丈夫？她表示最重要是大家開心，而開心最重要是珍惜對方。
從未講過要離婚
被問與老公是否處於冷靜期？她澄清從未講過要離婚，但直認與老公分開一段時間，至於二人是否未辦過離婚手續？她說：「冇咁嚴重，要時間諗清楚，起碼知我哋問題喺邊，有問題唔可以唔講，但放心，我會珍惜對方！」至於是否老公不明白她的演藝工作？她說：「嗯……佢一直好支持我，只不過係……係囉……」未幾Irene就轉身步入禁區。記者再追問她是否出埠？她謂：「去做嘢。（去幾耐？）幾日啦，離開香港幾日都好嘅。（拍劇定登台？）去做嘢！」
另外，溫碧霞剛剛更新了fb，留言：「只要你懂得珍惜你身邊所有的人和事，你就能夠得到最大的快樂：）且行且珍惜，共勉之。。。」
來源 source: http://hk.on.cc
|
鍾意就快D Share啦！
|
|
|
