SHINE的黃又南幫老豆還了12年債，出年重組開騷，本應好開心！點知最近…尋父！黃又南尋父！是呀，又南63歲的爸爸失了蹤！又南的爸爸有腦退化，今個月12號失蹤，又南什麼都做不到，只可以報警求助。又南的爸爸今個月12號離開住所後不見了，失蹤6日，又南除了報警求助，還what’s app身邊親朋戚友，呼籲大家幫手尋父，好彩最後成功尋回。
壹仔找又南，問他有關爸爸失蹤的事，他說：「爸爸之前有點事，但是已經找回他了。」案情重組，是這樣的，又南63歲的爸爸近年患上腦退化，今個月12號趁老婆外出後，自己走落街就沒有再回家。警方翻查他的八達通紀錄，發現他曾先後搭港鐵去過舊居太古城、杏花邨，之後過九龍到美孚再去鑽石山。失蹤了6日，好彩，警方最後在紅磡暢行道搵到黃文藻，他沒有受傷。不想爸爸再走失，又南請了專人照顧他，講到爸爸失蹤的日子，他說：「公司所有朋友都有幫手搵，亦好多謝香港警察，好快搵到我爸爸。」33歲的又南還是與家人同住，原來就是想照顧爸爸媽媽，真是很孝順呀！「其實同爸爸經歷了好多，見番爸爸那一刻好感動，不擔心就假的！醒覺，之前plan好要訂GPS，未到手已經發生這件事，好多事不是發生了才去面對，要早點解決，好彩爸爸好安全沒有受傷。」
又南指爸爸近年開始有腦退化，有搵醫生跟進同食藥。這次已經是第二次失蹤，年多前試過出街後蕩失路而失蹤，之後在他曾經返工的鰂魚涌船塢里搵返。「因為年紀老，等於副偈行得耐都會壞，最緊要身體健康！」爸爸有腦退化，又南除了驚他走失，怕的還有是爸爸有日忘記他，會忘記家人。「做仔女一定會擔心，有一日他不記得我，好彩他現在還記得誰是媽咪，誰是家姐。」想當年SHINE好紅，搵落不少錢，不過，對於又南來講搵幾多都沒用，因為他爸爸當時生意失敗欠財務公司錢，又欠親戚朋友錢，當時得廿歲仔的又南幫爸爸擔保了700萬欠數，還了十幾年終於還清！無債一身輕，加上SHINE合體重出，本來好輕鬆的又南現在又要擔心腦退化的爸爸，希望黃爸爸身體健康，又南，加油呀！
相關連結︰
【雪中送炭】問過7個相熟藝人借錢 黃又南：只有陳曉東樊少皇肯借
http://bit.ly/2gZFvFp
【每月使二千五】黃又南代父還700萬 拎架車加按
http://bit.ly/2uVxruG
【窮風流‧追阿Sa】黃又南劉佩玥車廂培慾 杜如風女友變兄弟
http://bit.ly/2uwxon6
黃又南父腦退化失蹤 徐天佑：當時都好擔心
http://bit.ly/2uwxon6
【與Twins齊出道】黃又南同日本妹拍《AV》 孖徐天佑明年紅館開騷
http://bit.ly/2uTiw4F
【家人患腦退化】惠英紅曾自責不懂體諒 鄭文雅外婆失蹤多年
http://bit.ly/2uVLDDX
|
鍾意就快D Share啦！
|
|
|