唐詩詠自嘲dry，不過佢講緊嘅係皮膚呀！
藝人唐詩詠身穿白色tube dress，與鄭俊弘出席《ALBION健康水美麗傳奇》活動，期間兩人即場睇番廣告片段，亦試用產品，詩詠笑言拍廣告時不停飲薏仁水補濕，又食番茄食到冇貨，講到護膚心得，她謂自己是敏感皮膚，故要選擇適合的護膚品，要有天然成分，亦謂會煲湯水飲，笑言：「因為太dry，所以要內外進補吓。」
感情順其自然
受訪時講到自嘲dry，詩詠笑言是指皮膚，問到感情方面呢？她謂：「有劇拍吓幾好，劇入面可以拍拖。（依家有冇追求者？）啱啱拍完劇，未有時間，睇吓有冇人約食飯。」問到她準備展開新戀情未？她謂：「好難講，慢慢。（即係未ready？）唔知，要睇係咪真係遇到嗰個人，依家冇諗，一直拍劇，同埋嚟緊會去旅行。（依家有咩擇偶條件？）冇特別，當真係遇到鍾意嘅人唔會諗咩條件，愛情係好奇怪。（即係講feel？）係呀。」
冇諗復合
而講到日前她與舊愛洪永城合照表現尷尬，她表示：「其實成日喺TVB都見到佢。（嗰日變咗焦點？）係囉，邊個叫佢嗰日喺後面行過。（你哋有聯絡？）嗰日喺後台都有傾偈，所以唔尷尬。」講到當日洪永城問記者詩詠講了甚麼，很關心她，問到兩人可有機會復合？她表示：「嘩，呢啲冇諗。（你單方面冇諗？）要問佢。（機會大唔大？）冇得咁講，未來嘅嘢未發生，順其自然。」問到她現時對洪永城有甚麼feel？她謂：「呢個feel好難用詞語去形容，希望佢好好，在心中。」
來源 source: http://hk.on.cc
|
鍾意就快D Share啦！
|
|
|