網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年7月21日 星期五

【純粹幻覺】尼馬要走巴塞7.2億搶人 利迷last chance睇古仔? __,尼馬,古天樂,古仔,

巴塞出手斟古仔,利迷心諗幻覺嚟架啫…【新增動新聞】紅軍球迷們,周六英超亞洲盃決賽對李斯特城記得睇實菲臘比古天奴一舉手一投足啦,因為睇埋呢次可能冇得再睇 ...


【新增動新聞】紅軍球迷們,周六英超亞洲盃決賽對李斯特城記得睇實菲臘比古天奴一舉手一投足啦,因為睇埋呢次可能冇得再睇?英國傳媒熱傳巴塞隆拿開價7,200萬鎊(約7.2億港元),斟利物浦進攻主力菲臘比古天奴。雖然據報紅軍馬上拒絕,利迷梗係希望呢單轉會消息只係英國傳媒定期發作嘅幻覺嚟㗎啫,不過另一邊廂有傳巴塞嘅尼馬真係好大機會走人投奔去巴黎聖日耳門,到時巴塞有多一兩億鎊喺手,加碼再斟古仔,到時利迷真係唔敢講嚇我唔到咯!據英國《每日郵報》報道,西甲班霸巴塞隆拿已經向利物浦報價7,200萬鎊,收購呢位25歲巴西中場,加強火力。不過,報道聲稱紅軍勢將拒絕報價,除咗因為古仔喺陣中舉足輕重,亦認為喺現時轉會市場水漲船高下,7.2億根本反映唔到佢嘅合理身價咁話。講開巴塞,據報巴黎聖日耳門有意動用接近2億鎊(約20億港元)買斷尼馬份合約,震驚全球之餘亦似乎搞到巴塞人心惶惶。大軍抵達紐約備戰周六國冠盃對祖雲達斯時,會長巴杜美再次向傳媒重申唔會放走尼馬:「尼馬唔存在喺轉會市場。佢同球會仲有4年合約,我哋亦相當重視佢,而且呢啲所謂解約條款根本冇可能啟動,如果你要遵從公平財政條例。」不過球會唔放又如何,只要PSG畀足尼馬合約嘅違約金,加上佢本人願意過檔,巴塞都係冇你符。西班牙加泰隆尼亞當地電台仲爆料,指PSG已經同尼馬爸爸(Neymar Santos Sr)傾掂數兼簽埋同意書,只要尼馬成功轉會去PSG,老竇就可以得到一筆巨額獎金。尼馬同佢爸爸關係咁好,老竇企埋PSG呢邊的話,真係乜都有可能發生。尼馬老竇貪錢人所共知,2013年尼馬由巴甲山度士轉會去巴塞隆拿,據報巴塞方面都畀咗唔少錢佢,所以PSG今次由佢埋手都係冇錯。形勢危急,巴塞前鋒蘇亞雷斯唔想好拍檔離隊,據報喺球隊前往美國出戰國冠盃嘅航班途中,阿蘇拉住尼馬傾過幾次偈,希望佢唔好貪圖高薪厚約而去PSG。古仔可以踢中場亦可以踢進攻三叉戟嘅翼鋒,如果尼馬真係byebye,巴塞加碼再斟古仔,紅軍就未必再拒絕得咁爽了。


來源 source: http://s.nextmedia.com
鍾意就快D Share啦!