馬國明死口唔認同黃心穎拍拖。
藝人馬國明在尖沙咀出席無綫新劇《宮心計2深宮計》煞科宴，而其緋聞女友黃心穎則因有工作而缺席。談到他們到橫店開工時朝夕相對，應該非常開心，他即謂：「我係去拍戲唔係去溝女！」記者即指他與心穎食飯時黐住合照，他就：「唔係嘅，個個都有黐。（你同心穎感情突飛猛進？）都係咁（你笑喎！）了解多啲囉，知佢食得辣而我就唔食得辣。」
被爆同心穎好Sweet
提到前度胡定欣指馬國明和黃心穎Sweet到爆，他即拉開話題指對方與其他演員收工去按腳亦玩得好「Sweet」。講到定欣亦祝福他早日搵到好女仔，他即謂：「我都祝佢早日搵到好男仔，唔使成日搏殺事業。（幾時到你成家？）冇咁快起碼未去到一齊睇傢俬嘅地步！（睇傢俬就即係結婚？）如果一齊睇傢俬、睇樓就應該近喇！」
啱時間就結婚
講到心穎最近買樓，記者指馬國明可以趁機陪心穎睇傢俬時，他說：「佢自己買樓啫，又唔係同佢共同嘅Project。（你依家同佢有咩共同Project？）依家冇。」提到他不打算陪對方出埠開工，問是否已經對到厭，他妙回謂：「我對我阿媽40年都未厭，啱傾嘅唔會用時間衡量。（咁你幾歲會結婚？）時間到就嚟，但暫時未諗到咁長遠。（你都咁上下年紀！）唔係計年紀，係睇兩個人係咪啱時候。（同心穎傾過？）未研究到呢個問題呀！」
問他們其實是否正式拍拖，他雖然堅稱還是了解中，但不會介意心穎被報道冠以「女友」稱號：「我唔會反駁，但真係仲了解緊！（仲要了解幾耐？）仲要了解好耐！」
來源 source: http://hk.on.cc
|
鍾意就快D Share啦！
|
|
|